2016-10-30 18:31:48, 612 ნახვა
პოლიტიკა
ცესკო: მანდარინზე ხელის მოკიდება, ან რაიმე ციტრუსთან შეხება არ ტოვებს იმ კვალს, რასაც - მარკირება
„მანდარინზე ხელის მოკიდება, ა ნ რაიმე ციტრუსთან შეხება არ ტოვებს იმ კვალს, რასაც ტოვებს მარკირება“,-ამის შესახებ ცესკო-ს სპიკერმა ანა მიქელაძემ ბრიფინგზე განაცხადა.
„მარკირების თითზე შესხმის შედეგად განსხვავებული შხეფებია. მინათების შედეგად ჩნდება მხოლოდ ის შხეფები, რომლებიც მარკირების შედეგად არის განხორციელებული. მანდარინზე ხელის მოკიდება, ან რაიმე ციტრუსთან შეხება, არ ტოვებს იმ კვალს, რასაც ტოვებს მარკირება. აღნიშნულს კიდევ ერთხელ გადავამოწმებთ“,-აღნიშნა ანა მიქელაძემ.
ცნობისთვის, დღეს დაფიქსირდა ფაქტები, როცა ამომრჩეველს არ მისცეს ხმის მიცემის საშუალება, რადგან აღმოჩნდა, რომ მას მარკირება უკვე ჰქონდა გაკეთებული. ამომრჩეველი კი ირწმუნებოდა, რომ ხელზე კვალი მანდარინის გარჩევისას წარმოიქმნა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
