მოცურავე ირაკლი ბოლქვაძე, რომელსაც "რიო 2016" ოლიმპიადაზე დოპინგის მიღება არ დაუდგინდა, მაგრამ შეჯიბრებიდან მაინც მოიხსნა, სიახლის შესახებ იტყობინება. როგორც მოცურავე აცხადებს, მიიღო პასუხი ამინომჟავების ( დანამატები, რომელსაც ის იღებდა) და თმის ღერის კვლევაზე. დოპინგ ტესტი გაკეთდა ამერიკაში, მსოფლიო ანტი-დოპინგური სააგენტო, wada-ს მიერ ლიცენზირებულ, ავტორიტეტულ ლაბორატორიაში. გაირკვა, რომ ბოლქვაძის ორგანიზმში არ აღმოჩნდა არანაირი აკრძალული ნივთიერების კვალი. ასევე სრულ ნორმაშია მის მიერ მოხმარებული დანამატები. 

"არ გეგონოთ, რომ ჩემი ბოლოდროინდელი დუმილი იყო შეგუება იმ უსამართლობასთან, რომელმაც ჩემი სპორტული წინსვლა მნიშვნელოვნად შეაფერხა. როგორც არაერთხელ აღვნიშნე, სიმართლის გარკვევა, დაკავშირებული იყო დროსთან და ფინანსურ შესაძლებლობებთან. საბედნიეროდ, ლოდინმა მოსალოდნელი შედეგი გამოიღო. მაქვს ძალიან კარგი სიახლე. მივიღეთ პასუხი ამინომჟავების ( დანამატები, რომელსაც ვიღებდი) და თმის ღერის კვლევაზე, რომელიც გაკეთდა ამერიკაში, მსოფლიო ანტი-დოპინგური სააგენტო, wada-ს მიერ ლიცენზირებულ, ავტორიტეტულ ლაბორატორიაში. გაირკვა, რომ ჩემს ორგანიზმში არ აღმოჩნდა არანაირი აკრძალული ნივთიერების კვალი. ასევე სრულ ნორმაშია ჩემს მიერ მოხმარებული დანამატები. მოგეხსენებათ, თმის ღერის ტესტი ყველაზე სრულყოფილ შედეგს იძლევა და ყველა საეჭვო კითხვაზე სცემს პასუხს. ვინაიდან ტესტმა ვერანაირი აკრძალული ნივთიერება ვერ აღმოაჩინა, ჩნდება კითხვები თუ საიდან შეიძლებოდა აღმოჩენილიყო აკრძალული ნივთიერების კვალი პირველ ტესტში(შეგახსენებთ, მეორე ტესტმაც უარყოფითი პასუხი აჩვენა). გაჩნდა ეჭვები, მეკუთვნის თუ არა მე პირველი ტესტის ბიოლოგიური მასალა. ამის საბოლოოდ დასადგენად, ვაგრძელებ მოკვლევას და დიდი იმედი მაქვს უახლოეს მომავალში ყველაფერს ნათელი მოეფინება. ყველა ჩემს გულშემატკივარს გაძლევთ პირობას რომ გავაასმაგებ ვარჯიშს რათა მივაღწიო იმ შედეგს, რაც თავიდანვე მქონდა დასახული. მინდა ყველას, კიდევ ერთხელ გადაგიხადოთ დიდი მადლობა. თქვენი გვერდში დგომა და მხარდაჭერა ჩემთვის ძალიან მნიშვნელოვანი და ძვირფასია. მე თქვენთან ერთად აუცილებლად შევძლებ გამარჯვებას." - აცხადებს ირაკლი ბოლქვაძე.

შეგახსენებთ, ქართველი მოცურავე ირაკლი ბოლქვაძე რიო 2016-ს დოპინგ ტესტზე დაფიქსირებული შედეგების გამო ოლიმპიადის დაწყებამდე ერთი დღით ადრე გამოეთიშა. მაშინ ბოლქვაძემ ეს შედეგები გაასაჩივრა და განმეორებითი ტესტირება მოითხოვა. განმეორებითმა ტესტირებამ კი აჩვენა, რომ ბოლქვაძეს აკრძალურლი ნივთიერებები არ მიუღია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა

სააკაშვილი: საქართველოდან ბენზინი არა აფხაზეთში, არამედ სამხრეთ რუსეთში მიეწოდება