„დარწმუნებული ვარ, რომ ზაზა თავაძე საზოგადოებისთვის სამართლიანი და ეფექტური საკონსტიტუციო სასამართლოს ჩამოყალიბებას უზრუნველყოფს“, - ასე შეაფასა „ექსპრესნიუსთან“ საუბარში „ქართული ოცნების“ წევრმა გია ჟორჟოლიანმა საკონსტიტუციო სასამართლოს ახლადდანიშნული თავმჯდომარის ზაზა თავაძის კანდიდატურა.

ჟორჟოლიანმა იმედი გამოთქვა, რომ საკონსტიტუციო სასამართლოს ხარვეზები აღმოიფხვრება.

„მოგეხსენებათ, ჩვენი ძალიან მყარი პოზიციაა, რომ სასამართლო სრულად იყოს დამოუკიდებელი და სასამართლოს ხელში ეს პროცესი დამოუკიდებლად განხორციელდა.  ეს იყო სრულიად დამოუკიდებელ პირობებში საკონსტიტუციო მოსამართლეთა მიერ  მიღებული გადაწყვეტილება.  რაც შეეხება კანდიდატურას,  იმედს გამოვთქვამ, რომ ის ხარვეზები, რომლებიც ნამდვილად  ჰქონდა ძველი თავმჯდომარის დროს საკონსტიტუციო სასამართლოს და  რბილად, რომ  ვთქვათ პოლიტიზირებული მიდგომები  აღმოფხვრილი  იქნება და ეჭვი არ მეპარება, რომ ბატონი ზაზა  უზრუნველყოფს  საზოგადოებისთვის  სრულად მისაღები სამართლიანი, ეფექტური  საკონსტიტუციო სასამართლოს ჩამოყალიბებას და  ფუნქციონირებას“,-განაცხადა გია ჟორჟოლიანმა.

სასამართლოს პლენუმის შემადგენლობამ, რომელიც ამ ეტაპზე 8 მოსამართლით არის დაკომპლექტებული, არჩევანი ზაზა თავაძის კანდიდატურაზე შეაჩერა. თავაძეს 5-მა მოსამართლემ დაუჭირა მხარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ დაასახელა რუსული სამხედრო გემები, რომლებსაც ნოვოროსიისკში დაარტყეს

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება