აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ლევან გორგილაძე და აჭარის ავტონომიური რესპუბლიკის განათლების, კულტურისა და სპორტის მინისტრის მოადგილე სულიკო თებიძე, აშშ საერთაშორისო განვითარების სააგენტოს (USAID) მიერ დაფინანსებული წყლის, სანიტარიისა და ჰიგიენის (WASH) პროექტის მეორე ეტაპის შემაჯამებელ კონფერენციას დაესწრნენ.

აჭარის ჯანდაცვის სამინისტროს ინფორმაციით, პროექტის ფარგლებში საქართველოს სამედიცინო ჯგუფმა აჭარის ავტონომიური რესპუბლიკის მთავრობასთან თანამშრომლობით 20 სასოფლო სკოლასა და პირველადი ჯანდაცვის (პჯდ) 10 დაწესებულებაში განახორციელა WASH-ინფრასტრუქტურის რეაბილიტაცია და მოახდინა სკოლების პერსონალისა და მოსწავლეების ცნობიერების ამაღლება.

„პროექტის მიზანია აჭარაში WASH ინფრასტრუქტურის გაძლიერებისა და ქცევითი სტანდარტების შეცვლის წახალისება, რაც მოწოდებულია დიარეული დაავადებების ინციდენტობის შემცირებისათვის. WASH–ის გაიდლაინების მიხედვით ტრეინინგები ჩაუტარდა პჯდ–ების თანამშრომლებს, სკოლის მასწავლებლებს და სამეურვეო საბჭოების წევრებს, თანასწორთა განმანათლებლებს და მოსწავლეებს. დამატებით, თითოეულ სამიზნე დაწესებულებაში მომზადდა პერსონალი ინფრასტრუქტურის მოვლა–პატრონობისათვის. პროექტის ფარგლებში დამზადდა და გავრცელდა საინფორმაციო მასალები“, - აცხადებენ აჭარის ჯანდაცვის სამინისტროში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა