,,ჩვენ ერთად  უნდა ვაშენოთ ის საქართველო, სადაც აფხაზებს ქართველებთან ერთად ექნებათ ღირსეული ადგილი და შესაძლებლობა, იღვაწონ საკუთარი მომავლისთვის“, - ამის შესახებ აფხაზეთის ა/რ მთავრობის თავმჯდომარემ ვახტანგ ყოლბაიამ განაცხადა.

მისი თქმით, აფხაზებმა კარგად იციან, რომ  ქართველების გარეშე აფხაზეთი ფრთამოტეხილია.

„რაც  მეტი დრო გადის 1993 წლის სექტემბრიდან, მით უფრო მძაფრდება ტკივილი. ჩვენ ყველას გვაწუხებს საკუთარ კუთხეში დაბრუნების მოლოდინი, რომელიც  მტკივნეულიცაა და დამქანცველიც. დღევანდელ დღეს ყოველი ჩვენგანი ფიქრობს, მათ შორის, აფხაზებიც,  რომ ერთწლიანი ომი ტრაგიკული შეცდომა იყო. პოლიტიკა, რომელსაც დღეს ჩვენ საქართველოში ვატარებთ ცენტრალურ ხელისუფლებასთან ერთად, მიმართულია ურთიერთპატივისცემის, ნდობის აღდგენისა და შერიგებისაკენ. აფხაზებმაც კარგად იციან, რომ  ქართველების გარეშე აფხაზეთი ფრთამოტეხილია. შეუძლებელია ჩვენი გზები კვლავ არ შეერთდეს,  ჩვენი ერების სასიკეთოდ.  ანაკლიის, განმუხურის  განვითარება ჩვენი ხელისუფლების გზავნილია, რომ განვითარება და ეკონომიკური სიკეთე აფხაზეთსაც უნდა შეეხოს. ჩვენ  ერთად  უნდა ვაშენოთ ის საქართველო,  სადაც აფხაზებს ქართველებთან ერთად ექნებათ ღირსეული ადგილი და შესაძლებლობა, იღვაწონ საკუთარი მომავლისთვის“, – განაცხადა ვახტანგ ყოლბაიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა