გამოძიებამ, რომელიც ნიდერლანდებმა ჩაატარა, დაადგინა, რომ 2014 წელს აღმოსავლეთ უკრაინაში ჩამოვარდნილ სამგზავრო თვითმფრინავს რაკეტა პრორუსი მეამბოხეების მიერ კონტროლირებადი ტერიტორიიდან ესროლეს. ამის შესახებ ინფორმაციას "როიტერი" ავრცელებს.

სააგენტოს ცნობით, როგორც დადგინდა, რაკეტა "ბუკ"-ის ტიპის საზენიტო-სარაკეტო კომპლექსით იყო ნასროლი, რომელიც უკრაინის ტერიტორიაზე რუსეთიდან შეიტანეს.

ცნობისთვის, 2016 წლის აპრილში უკრაინის პოლიციამ დააკავა პირი, რომელსაც Malaysia Airlines-ის თვითმფრინავის MH17-ის საქმის ირგვლივ მიმდინარე გამოძიების მთავარი მოწმე-ექსპერტის ალექსანდრ რუვინის მკვლელობის მცდელობა ედება ბრალად. რუვინზე თავდასხმა 2015 წლის ოქტომბერში ჰოლანდიის საგამოძიებო კომისიის მიერ გამოქვეყნებულ დასკვნას მოჰყვა, რომელშიც ასევე რუსული მხარის ბრალეულობა იკვეთებოდა.

აქვე შეგახსენებთ, რომ Malaysia Airlines-ის თვითმფრინავის MH17-ის ჩამოგდებას 298 ადამიანი ემსხვერპლა. თვითმფრინავი ამსტერდამიდან კუალა ლუმპურამდე ასრულებდა რეისს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენესუელაში მომხდარი მიწისძვრის შედეგად დაღუპულთა რიცხვმა 230-ს გადააჭარბა

ნატო უკრაინისთვის 70 მილიარდი ევროს ღირებულების იარაღის მიწოდებას გეგმავს

ევროკავშირმა რუსეთის წინააღმდეგ ეკონომიკური სანქციები 2027 წლის ივლისის ბოლომდე გაახანგრძლივა

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს