პარტია "ქართული ოცნების" აღმასრულებელი მდივანი ირაკლი კობახიძე ოპონენტების განცხადებებს გამოეხმაურა, რომ დესტაბილიზაციას ხელისუფლება გეგმავს და  მათი მხრიდან ბრალდებები იმიტომ ისმის, რომ  შემდეგ  თავი გაიმართლონ.

კობახიძის მტკიცებით, "ნაციონალურ მოძრაობას“  დესტაბილიზაციის კონკრეტული გეგმა აქვს, თუმცა მათ ამ გეგმის აღსრულების რესურსი არ გააჩნიათ:

"ჩვენ არაერთგზის გავაკეთეთ განცხადებები მოსალოდნელი პროვოკაციების თაობაზე, და ჩვენ ამ განცხადებებზე ვაგებთ პასუხს, ეს განცხადებები შეესაბამება სინამდვილეს, იმ სინამდვილეს, რომელიც იგეგმება „ნაციონალური მოძრაობის“ ოფისებში. „ნაციონალურ მოძრაობას“ აქვს ძალიან კონკრეტული გეგმა დესტაბილიზაციის, თუმცა მათ, კიდევ ერთხელ ვიტყვი, რომ ამ გეგმის აღსრულების რესურსი ნამდვილად არ აქვს, ეს არის უსუსური პოლიტიკური ძალა და ჩვენს ხელისუფლებას აქვს ყველანაირი რესურსი, რომ ყოველგვარი არეულობა და დესტაბილიზაცია აღკვეთოს საქართველოში",-აღნიშნა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა