2015-19 წლებში პენსიები და სხვა  სახელმწიფო გასაცემლები კვლავ ლიბერთი ბანკის ფილიალების მეშვეობით დარიგდება.

შრომის, ჯანმრთელობისა და სოციალური დაცვის სამინისტროში სოციალური მომსახურების სააგენტოსა და  ლიბერთი-ბანკს შორის ხელშკრულება გაფორმდა.

ხელშეკრულების მიხედვით  ბანკი  მომავალი წლის იანვრიდან კვლავ განახორციელებს ფულადი გასაცემლების (ასაკობრივი პენსია, დევნილთა შემწეობა, საარსებო შემწეობა და ა.შ) გაცემა -დარიგებას სრულიად უსასყიდლოდ.

როგორც ხელშეკრულების გაფორმების დასრულების შემდეგ, „ექსპრესნიუსს“ ლიბერთი ბანკის გენერალურმა დირექტორმა გიორგი არველაძემ განუცხადა, ბანკი მზადაა 5 მლნ ლარი დახარჯოს ინფრასტრუქტურის გაუმჯობესებაზე წლის განმავლობაში, რათა სერვისი უფრო ხელმისაწვდომი და კომფორტული გახდეს.

მისივე თქმით, 5 წლის განმავლობაში ამ მიზნებისთვის 25 მლნ ლარი დაიხარჯება.

„ასევე, ბანკი იღებს ვალდებულებას 5 წლის განმავლობაში დამატებით 4 მლნ ლარი გაიღოს სხვადასხვა სახის აქტივობაში“, – განაცხადა არველაძემ.

შეგახსენებთ, რომ   ლიბერთი ბანკი ერთადერთი იყო, რომელმაც სოციალური მომსახურების სააგენტოს  მიერ გამოცხადებულ საბანკო კონკურსში მიიღო მონაწილეობა.

კონკურსი 14 ნოემბერს შედგა და საკონკურსო კომისიამ ლიბერთი-ბანკის მიერ წარმოდგენილი წინადადებები დასაშვებად მიიჩნია.

ბანკი ბოლო  10 წლის განმავლობაშიც ახორციელებდა ამ მომსახურებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო