დღეს, ბათუმში ანესთეზიოლოგიისა და ინტენსიური თერაპიის პირველი საერთაშორისო კონფერენცია გაიხსნა.

აჭარის მთავრობის პრესსამსახურის ინფორმაციით,  კონფერენცია აჭარის მთავრობის პატრონაჟით ტარდება და მას 16 ქვეყნიდან მოწვეული 250-მდე დელეგატი ესწრება.

კონფერენციის მონაწილეებს აჭარის მთავრობის თავმჯდომარე ზურაბ პატარაძე მიესალმა.

"მეამაყება, რომ სწორედ ბათუმი მასპინძლობს საქართველოში ანესთეზიოლოგიისა და ინტენსიური თერაპიის პირველ საერთაშორისო კონფერენციას და ვფიქრობ, ეს ძალიან კარგი ტრადიციის საძირკველი გახდება. თანამედროვე მედიცინა ძალიან დინამიურია. ეს კონგრესი ყველა დელეგატისათვის შესანიშნავი შესაძლებლობაა სიახლეების გაზიარების, კონტაქტების დამყარების, ახალი თანამშრომლობის და ბათუმი ამისათვის საუკეთესო ადგილია",-განაცხადა პატარაძემ.

საერთაშორისო კონგრესზე მოწვეულ სტუმრებს სიტყვით მიმართა აჭარის ჯანმრთელობისა და სოციალური დაცვის მინისტრმა ლევან გორგილაძემ, რომელმაც სტუმრებს საქართველოს ჯანმრთელობისა და სოციალური დაცვის მინისტრის დავით სერგეენკოს მისასალმებელი სიტყვა წაუკითხა.

კონფერენციის მნიშვნელობისა და ბათუმში მისი ჩატარების იდეის შესახებ დელეგატებს ცნობილმა ექიმი, ანესთეზია-რეანიმაციის დეპარტამენტის ხელმძღვანელი, პროფესორი ილია ნაკაშიძე ესაუბრა.

ილია ნაკაშიძემ განსაკუთრებული მადლობა გადაუხადა აჭარის ა.რ მთავრობის თავმჯდომარეს ზურაბ პატარაძეს და მის მეუღლეს სოფიო ბაკურიძეს, რომელთა უშუალო მხარდაჭერით, ჯერ კიდევ ყაზახეთში დაიგეგმა აღნიშნული საერთაშორისო სამედიცინო ფორუმის ბათუმში ჩატარდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა