ე.წ. აფხაზეთის  რკინიგზის  მონაკვეთთან დაკავშირებით პრაღში, ორმხრივი დიალოგის ფარგლებში არანაირი მოლაპარაკება არ მიმდინარეობს,-ამის შესახებ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ რუსეთის საგარეო უწყების ხელმძღვანელის სერგეი ლავროვის გუშინდელი განცხადების თაობაზე დასმულ კითხვაზე საპასუხოდ განაცხადა.

მისივე მტკიცებით, უსაფუძვლოა საუბარი, რომ აფხაზეთის გავლით რკინიგზის აღდგენის  თემასთან დაკავშირებით პრაღაში კულუარულად რაიმე გარიგება ხდება.

"ჯერ ზოგადად კლომენტარს არ გავაკეთებ.ჩამოვყალიბდებით, გავეცნობით, სასწრაფო იქ არაფერი არ არის, ჩამოვყალიბდებით და შემდგომ გამოჩნდება ჩვენი პოზიცია როგორია იმ  თემებთან დაკავშირებით, რომელიც მან გუშინდელ თავის კომენტარებში ახსენა. ერთ რამეს მინდა გავუსვა ხაზი, რომ ამ ჩვენი ორმხრივი დიალოგის ფარგლებში პრაღაში არანაირი მოლაპარაკება არ მიმდინარეობს ე.წ. აფხაზეთის რკინიგზის მონაკვეთთან დაკავშირებით. ზოგადად, პრაღაში ჩვენ მოლაპარაკებებს არ ვაწარმოებთ და  არც რაიმე ვალდებულებებს ვიღებთ.ასე რომ, ის თემა, რომ იქ რაღაც კულუარულად ხდება გარიგება აფხაზეთის რკინიგზასთან დაკავშირებით, არის აბსოლუტურად უსაფუძვლო. ჩვენ დეტალურ ონფორმაციას ვაწვდით ყველა ორგანიზაციას, უწყბას, რომელსაც მეტ-ნაკლებად შეხება აქვს რუსეთის თემასთან. ამ ჩვენს დიალოგს ესწრება და მონაწილობას იღებს ჩვენი საგარეო უწყების წარმომადგენელი. ასე რომ, ყველა საქმის კურსშია დეტალურად რაზე ვსაუბრობთ იქ. რკინიგზის თემაზე არანაირი მოლაპარაკება არ მიმიმდინარეობს",-განაცხადა ზურაბ აბაშიძემ.

შეგახსენებთ, გუშინ რუსეთის საგარეო საქმეთა მინისტრმა სერგეი ლავროვმა განაცხადა, რომ რკინიგზის შესახებ გადაწყვეტილება აფხაზეთსა და საქართველოს შორის შეთანხმების შედეგად უნდა მიიღონ. მისივე განმარტებით,  რუსეთი მოსკოვი-სოხუმი-თბილისი-ერევნის რკინიგზის ხაზის აღდგენის შესახებ კონსულტაციებისთვის მზადაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა