თემურ ხუბულური და ვალერი გელაშვილი მოსახლეობას შეხვდნენ

2016-09-10 17:23:56, 591 ნახვა

პოლიტიკა

წინასაარჩევნო კამპანიის ფარგლებში“ ქართული ოცნება-დემოკრატიული საქართველოს“ გორის რაიონის მაჟორიტარი დეპუტატობის კანდიდატი თემურ ხუბულური გორის მუნიციპალიტეტის სოფელ ახალხიზის მოსახლეობას შეხვდა.

მაჟორიტარობის კანდიდატმა წინასაარჩევნო პროგრამასა და მომდევნო 4 წლის განმავლობაში ხელისუფლების მიერ განსახორციელებელ პროექტებზე ისაუბრა.

„ ჩვენი მთავრობის 4 პუნქტიანი გეგმა ქვეყნის ეკონომიკურ განვითარებაზეა ორიენტირებული. ეკონომიკური წინსვლისთვის აუცილებელი წინაპირობა განვითარებული სოფლის მეურნეობაა , რომელიც მოწესრიგებულ ინფრასტრუქტურას ეფუძნება. 2017 წლისთვის პრიორიტეტული სწორედ ინფრასტრუქტურული პრობლემების მოგვარეება. ახალხიზელების ძირითად პრობლემას სასმელი წყალი წარმოადგენს ,რომელიც მომავალი წლის ადგილობრივი თვითმმართველობის ბიუჯეტში იქნება გათვალისწინებული. განსაკუთრებული ყურადღება საგზაო ინფრასტრუქტურის მოწესრიგებას დაეთმობა. ახალგაზრდებში ჯანსაღი ცხოვრების წესის დამკვიდრების ხელშეწყობისთვის გორის მუნიციპალიტეტის ყველა სოფელში სპორტული მოედნები მოეწყობა. მომავალი თაობისთვის განსაკუთრებით მნიშვნელოვანია პროფესიული განვითარების ცენტრების შექნმა, რომელიც ჩვენი ხელისფლებისთვის პრიორიტეტულ საკითხს წარმოადგენს“,- განაცხადა “ ქართული ოცნება-დემოკრატიული საქართველოს“ გორის რაიონის მაჟორიტარი დეპუტატობის კანდიდატმა თემურ ხუბულურმა.

საარჩევნო კამპანიის ფარგლებში, ხაშურის რაიონის სოფლების მოსახლეობასთან განაგრძობს შეხვედრებს „ქართული ოცნება - დემოკრატიული საქართველოს“ მაჟორიტარი დეპუტატობის კანდიდატი, ვალერი გელაშვილი.

„მინდა გითხრათ, რომ ამ რაიონში 4 წლის განმავლობაში ბევრი რამეა გაკეთებული-სოფლებში გაყვანილია გზები, განხორციელდა მათი გაზიფიცირება. დარჩენილია გარკვეული ნაწილი და კიდევ მიმდინარეობს სამუშაოები. დაუსრულებელი საქმეებიც არის, რა თქმა უნდა, და მე ჩავერთვები ამ პრობლემების მოგვარებაში“,-განაცხადა ვალერი გელაშვილმა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან