წინასაარჩევნო კამპანიის ფარგლებში „ქართული ოცნება-დემოკრატიული საქართველოს“ ქალაქ გორის მაჟორიტარი დეპუტატობის კანდიდატი, იოსებ მაკრახიძე სტალინის 5 ნომერში მცხოვრებ მოსახლეობას შეხვდა.

 მაჟორიტარობის კანდიდატმა შეკრებილ  ამომრჩეველს  ქალაქის  განვითარების საკუთარი ხედვები გაუზიარა. მათ შორის აღინიშნა, რომ  მომავალ წელს სტალინის 5 ნომერში  დასვენებისა და გართობის მინი პარკი მოეწყობა, რაც ადგილობრივების ერთ-ერთ მთავარ მოთხოვნას წარმოადგენს.

„მე ვპირდები ჩემს გორელებს, რომ მანდატის მოპოვების  შემთხვევაში, ჩვენ გვექნება  უწყვეტი კომუნიკაცია, რომელიც  ქალაქის კეთილმოწყობის ფუნდამენტად იქცევა. მე არ მსურს გადაწყვეტილების ერთპიროვნულად მიღება, რადგან მე ვარ ჩემი ამომრჩევლის მსახური და მათი პრობლემების დროულად მოგვარების გარანტი“,-აღნიშნა იოსებ მაკრახიძემ.

„ქართული ოცნება-დემოკრატიული საქართველოს“ გორის რაიონის მაჟორიტარი დეპუტატობის კანდიდატი, თემურ ხუბულური წინასაარჩევნო კამპანიის ფარგლებში  სოფელ კვარხეთის მოსახლეობას შეხვდა. შეხვედრაზე  სოფელში არსებული საჭიროებების შესახებ ისაუბრეს.

თემურ ხუბულურის თქმით,აღნიშნული სოფლის განვითარების გეგმის შესრულებას განსაკუთრებულ კონტროლზე აიყვანს.

„მოსახლეობას აღარ ექნებათ ბავშვების  ბაგა- ბაღში მიყვანის პრობლემა. უახლოეს მომავალში სოფელს საკუთარი სკოლამდელი აღზრდის დაწესებულება ექნება“,- განაცხადა „ქართული ოცნება-დემოკრატიული საქართველოს“ გორის რაიონის მაჟორიტარი დეპუტატობის კანდიდატმა თემურ  ხუბულურმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა