„ირაკლი გედენიძის ცემისას მეც ასე აღვიქვი, რომ მეორე პირი იჭერდა, მაგრამ მას კანონის შესაბამისად ვერ დავსჯით“, - ამის შესახებ შინაგან საქმეთა მინისტრმა ვახტანგ გომელაურმა ფოტორეპორტიორის ირაკლი გედენიძის ცემის ფაქტთან დაკავშირებით ჟურნალისტებს განუცხადა.

მისი თქმით, ის პირი, რომელიც გედენიძის ცემის ბრალდებით დააკავეს კანონის უმკაცრესი ზომით უნდა დაისაჯოს.

„ეს ძალიან ცუდი ფაქტი იყო, როდესაც ვნახე შევშფოთდი. მოხდა გედენიძის ცემა, როცა ის თავის პროფესიულ საქმიანობას ასრულებდა. ის ადამიანი პოლიციის მიერ დაკავებული იქნა, ამაზე სასამართლო იმსჯელებს. ვფიქრობ ის სისხლის სამართლის უმკაცრესი ზომით უნდა დაისაჯოს. რაც შეეხება მეორე პირს, მის მიმართ კანონით დასჯა არ გამოიკვეთა, ის თითქოს აშველებდა, მაგრამ თითქოს იჭერდა,  გასაგებია ყველასათვის, მეც ასევე აღვიქვი, მაგრამ ამ ადამიანს კანონის შესაბამისად ვერ დავსჯით“, - განაცხადა გომელაურმა.

შეგახსენებთ, რომ საინფორმაციო სააგენტო „ინტერპრესნიუსის“ ფოტოკორესპონდენტს ირაკლი გედენიძეს სამსახურეობრივი მოვალეობის შესრულებისას თავს დაესხნენ და ფიზიკური შეურაცხყოფა მიაყენეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას

მეუფე ნიკოლოზი ილია მეორის წმინდანად შერაცხვას ითხოვს - მიმართვა, რომლის წაკითხვაც მიტროპოლიტს გაფართოებულ კრებაზე სურდა

მეუფე მიქაელი სინდისის პატიმრებზე: დიდი სიამოვნებით გამოვუშვებდი ყველას

რუსეთში ნავთობგადამამუშავებელ ქარხნებზე უკრაინული დრონების დარტყმების გამო, ბენზინის დეფიციტია