სომხეთი, ირანი, საქართველო, ბულგარეთი და საბერძნეთი ახალი სატრანსპორტო კორიდორის შექმნას აპირებენ, - ამის შესახებ ინფორმაციას news.am ავრცელებს.

როგორც მედია საშუალება სომხეთის ტრანსპორტისა და კავშირგაბმულობის სამინისტროს მაღალჩინოსანზე დავით მელკონიანზე დაყრდნობით წერს, სატრანსპორტო კორიდორი ერთმანეთთან სპარსეთის ყურესა და შავ ზღვას დააკავშირებს. 

მელკონიანის ინფორმაციით, ირანის, საქართველოს, სომხეთის, ბულგარეთისა და საბერძნეთის წარმომადგენლები აღნიშნული პროექტის დეტალებს 14-15 ივლისს, ბულგარეთის დედაქალაქ სოფიაში განიხილავენ.

მისივე თქმით, ეს შეხვედრა პირველი არ იქნება. პროექტის პირველი განხილვა დაახლოებით თვენახევრის წინ, თეირანში გაიმართა. 

გარდა ამისა, გამოცემა Huffington Post-ი ინფორმაციით, ირანს სურს გახდეს სავაჭრო  ჰაბი ევროპასა და ცენტრალური აზიისთვის. მას 4 ქვეყნის დაკავშირება სწორედ ამ მიზნით სურს. 

სააგენტო Balkan Insight-ის ცნობით, რამდენიმე დღის წინ, ირანში ოფიციალური ვიზიტით ბულგარეთის პრეზიდენტი ბოიკო ბორისოვი იმყოფებოდა. პრეზიდენტმა დაადასტურა, რომ ბულგარეთი მზად არის, აღნიშნულ პროექტს შეურთდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს