ფინანსთა მინისტრმა, ნოდარ ხადურმა გაცნობითი ხასიათის შეხვედრა გამართა საერთაშორისო სავალუტო ფონდის ახალ მუდმივ წარმომადგენელთან საქართველოში ფრანსუა პეჰშოსთან, (François Painchaud) რომელიც უფლებამოსილების შესრულებას მიმდინარე წლის ივლისიდან შეუდგა. შეხვედრას, ასევე, დაესწრო სსფ-ის ყოფილი მუდმივი წარმომადგენელი აზიმ სადიკოვი.
 
როგორც შეხვედრაზე აღინიშნა, საერთაშორისო სავალუტო ფონდი საქართველოსთვის მნიშვნელოვანი პარტნიორია. ფინანსთა მინისტრმა, ნოდარ ხადურმა ფრანსუა პეჰშოს მიულოცა საქართველოში საქმიანობის დაწყება და იმედი გამოთქვა, რომ სსფ-ის ახალ მუდმივ წარმომადგენელთან და მის გუნდთან გაგრძელდება მჭიდრო ურთიერთობა.
 
ფინანსთა მინისტრმა, ასევე, მადლობა გადაუხადა აზიმ სადიკოვს საქართველოში 4-წლიანი მოღვაწეობისთვის.
 
შეხვედრაზე მხარეებმა განიხილეს საქართველოში საერთაშორისო სავალუტო ფონდის მისიის მუშაობის საკითხები, საუბარი შეეხო საერთაშორისო სავალუტო ფონდთან მიმდინარე პროგრამას და სამომავლო თანამშრომლობის საკითხებს.
 
საერთაშორისო სავალუტო ფონდის ახალი მუდმივი წარმომადგენელი საქართველოში ფრანსუა პეჰშო გამოცდილი ეკონომისტია, მას განათლება მიღებული აქვს ლავალის უნივერსიტეტში. საერთაშორისო სავალუტო ფონდში მუშაობს 2009 წლიდან.

(ns)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს