აჭარის ტურისტული პოტენციალი რუსეთში პოპულარული ტელეარხის „ПЯТНИЦА" -ს ობიექტივში კიდევ ერთხელ მოხვდა.

როგორც „ექსპრესნიუსს“ აჭარის ტურიზმისა და კურორტების დეპარტამენტიდან აცნობეს, ამჯერად, რეგიონს გადაცემა  „ЖаннаПожени“-ს გადამღები ჯგუფი სტუმრობდა.

მათივე ცნობით, გადაცემის ფორმატის მიხედვით, ტელეწამყვანი ჟანა  ბადოევა წყვილებს მათთვის საოცნებო ქორწილის გადახდაში ეხმარება და ისინი მათთვის სასურველ ქვეყანაში მიჰყავს.

საქართველო, კონკრეტულად კი აჭარა არასტანდარტული ქორწილის გადასახდელად საინტერესო ტურისტული ადგილი აღმოჩნდა გადაცემის მორიგი წყვილისთვის. ქორწილის ორგანიზებისას გადამღები ჯგუფის ობიექტივში მოხვდა ბათუმის ტურისტული ღირსშესანიშნაოებები, ბოტანიკური ბაღი, ფოლკლორი, სასტურმო და სარესტორნო პოტენციალი. ახალგაზრდა წყვილმა თავიანთი საოცნებო ქორწილი ბათუმში გადაიხადეს.

გადაცემა ტელეარხის ეთერში მიმდინარე ზაფხულის სეზონზე გავა და ის პოპულარიზაციას გაუწევს, აჭარას  როგორც ახალგაზრდა წყვილებისთვის მიმზიდველ ტურისტულ მიმართულებას.

ტელეარხ  „ПЯТНИЦА"-ს გადამღები ჯგუფი რეგიონს აჭარის ტურიზმის დეპარტამენტის ორგანიზებით წელს მეორედ სტუმრობდა. პირველად, ისინი მაისში გადაცემა „Еда, я люблю тебя“ -ს გადაღებებისას იმყოფებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში