გიორგაძე: ყიფიანის სახლმუზეუმის აღსადგენად ადგილობრივმა ხელისუფლებამ ბიუჯეტში ასიგნებები უნდა გაითვალისწინოს

2016-06-13 13:03:09, 4429 ნახვა

კულტურა

კულტურისა და ძეგლთა დაცვის მინისტრის მიხეილ გიორგაძის განცხადებით, ხაშურის მუნიციპალიტეტში სოფელ ქვიშხეთში დიმიტრი ყიფიანის სახლმუზეუმი ადგილობრივი ხელისუფლების დაქვემდებარებაშია.

შესაბამისად, მინისტრის განმარტებით, მუზეუმის აღსადგენად ბიუჯეტში საჭირო ასიგნებები სწორედ ადგილობრივმა ხელისუფლებამ უნდა გაითვალისწინოს.

„დიმიტრი ყიფიანის სახლმუზეუმი ადგილობრივი დაქვემდებარებისაა და არა კულტურის სამინისტროსი. კულტურის სამინისტრომ გამოყო თანხები პროექტის დასამუშავებლად და კულტურული მემკვიდრეობის დაცვის სააგენტომ ეს პროექტი გააკეთა. ვფიქრობ, ხელის გამოშვერის მაგივრად, ადგილობრივმა ხელსუფლებამ შესაბამისი პრიორიტეტები განსაზღვროს, ბიუჯეტის შედგენის დროს, თუ ეს საკითხი ასე მნიშვნელოვაბია და ჩემი თვალსაზრისით მნიშვნელოვანია, შესაბამისად, უნდა გაითვალისწინოს ბიუჯეტში, საჭირო ასიგნებები“, -განაცხადა მიხეილ გიორგაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან