იუსტიციის უმაღლესი საბჭოს მდივნის ლევან მურუსიძის განცხადებით, ყველა თანხმდება, რომ ადრე ხელისუფლების მხრიდან სასამართლოზე გავლენები იყო.

როგორც მურუსიძემ ჟურნალისტებს განუცხადა, სასამართლო სისტემაში ხარვეზები არსებობს, თუმცა სასამართლო დღეს ყველასგან დამოუკიდებელია და  იმ გადაწყვეტილებას იღებს, რომელიც მას მიაჩნია სწორად.

"იმაზეც ვთანხმდებით, რომ დღეს სასამართლო გაცილებით უკეთესია, ვიდრე იყო ადრე. იმედი მაქვს, მომავალში გაცილებით უკეთესი გახდება. ამიტომ, ვისაც სურს, რომ სასამართლო იყოს  ძლიერი საქართველოში, ამოუდგნენ გვერდით სასამართლო კორპუსს და სასამართლო სისტემას. კრიტიკა მისაღებია, მაგრამ ლანძღვა მიუღებელია",-აღნიშნა მურუსიძემ.

იუსტიციის უმაღლესი საბჭოს მდივანი პოლიტიკოსებს მოუწოდებს, უპასუხისმგებლო განცხადებებისგან თავი შეიკავონ:

" მიხედონ თავინათ საქმეს და  იმ თემებზე ისაუბრონ, რომლებიც მათ ეხებათ",-განმარტა ლევან მურუსიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ადვოკატი: ნატა ვიბლიანი პროკურატურამ ოფიციალურად ცნო დაზარალებულად

კობა ფარტენაძის მიმართ ძალადობისა და დანით დაჭრის მუქარის ბრალდებით დაკავებულები გირაოს სანაცვლოდ გათავისუფლდნენ

22-წლიანი პაუზის შემდეგ ქართული საკლუბო ფეხბურთი ევროპულ ასპარეზს დაუბრუნდა

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას