ეროს რამაზოტის თბილისში ვიზიტზე დოკუმენტური ფილმის გადაღება იგეგმება, - ამის შესახებ დღეს გამართულ  პრესკონფერენციაზე კულტურის მინისტრმა მიხეილ გიორგაძემ განაცხადა. 

მინისტრის თქმით, დროის სიმცირიდან გამომდინარე, ფილმის გადარება ქალაქგარეთ ვერ მოხერხდება, ამიტომ მას თბილისში გადაიღებენ.

''დროის სიმცირიდან გამომდინარე,  ქალაქგარეთ გადაღება  ვერ მოხერხდება. საკმაოდ ბევრი რამ არის გადასაღები თბილისში. გარკვეული ადგილები უკვე ვაჩვენეთ. სპეციალური ჯგუფი, რომელიც ჩამოჰყვა მომღერალს, საკუთარ გეგმას ადგენს, თუ რა და, როგორ გადაიღონ ორ დღეში. ფილმში ასევე კონცერტის კადრებიც შევა", -  განაცხადა მიხეილ გიორგაძემ.

აღსანიშნავია, რომ კონცერტისთვის მზადება და სცენის დამონტაჟება სპორტის სასახლეში უკვე დაწყებულია.

როგორც რამაზოტიმ აღნიშნა, მან ჯერ ვერაფრის ნახვა ვერ მოასწრო, თუმცა ქალაქში ჩამოსვლისას პირველი რაც ნახა, ის იყო, რომ აქ სისუფთავეა, რაც იმას ნიშნავს, რომ აქ ასეთივე ხალხი ცხოვრობს. 

მომღერალმა განმარტა, რომ ის სხვადასხვა ადგილების ნახვას დოკუმენტური ფილმის გადაღების ფარგლებში გეგმავს.

"მე ვიცი, რომ ეს არის ქვეყანა, რომელსაც ევროპასთან დაახლოება სურს და ეს ღონისძიებაც ამას ემსახურება. დიდი იმედი მაქვს, ევროპასთან თქვენს მჭიდრო კავშირს შევუწყობ ხელს," -აღნიშნა მომღერალმა.

რაც შეეხება ხვალინდელ კონცერტს, რამაზოტიმ განაცხადა, რომ ის თბილისში ჩატარებულ კონცერტს გარდაცვლილ მომღერალ პრინსს მიუძღვნის.

შეგახსენებთ, რომ ეროს რამაზოტი თბილისში, სპორტის სასახლეში კონცერტს 24 აპრილს გამართავს.

ცნობისთვის, იტალიელი ვარსკვლავი პირველად ქართველი მსმენელის წინაშე მსოფლიო ტურით The Perfetto World Tour წარდგება. კონცერტზე შესრულდება ჰიტები ალბომიდან  Perfetto  - აღნიშნული კრებული, გაყიდული ალბომების რაოდენობის მიხედვით, მსოფლიოს 60 ქვეყანაში ერთ-ერთი ლიდერია.

ეროს რამაზოტი შეასრულებს ყველასათვის საყვარელ და ცნობილ სიმღერებს, მათ შორის: „Terra Promessa“, „Più Che Puoi“, „Cose Della Vita“, „Più Bella Cosa“, „Adesso Tu“, „Se Bastasse Una Bella Canzone“... როგორც პრესკონფერენციაზე აღნიშნეს, ეროს რამაზოტის შოუ 3-D ანიმაციით გაიხსნება და სცენა მთლიანად უნიკალური თანამედროვე ტექნოლოგიებით იქნება აგებული.

კონცერტის მხარდამჭერია იტალიის საელჩო საქართველოში; კულტურის სამინისტროს ცნობით, ეროს რამაზოტის კონცერტი საქართველოს მთავრობის ინიციატივით დაწყებული მასშტაბური პროექტის „Check in Georgia” ფარგლებში იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ „დეილი ჯგუფს“ საოპერაციო ლიზინგის ფარგლებში FAW-ის 50 სატვირთო ავტომობილი მიაწოდა

ბერა ივანიშვილზე დაწერილი პოსტის გამო, ნატა ფერაძე სასამართლოში დაიბარეს

სუს: სოფელ ბერუშეთთან ოკუპანტების მიერ დაკავებული საქართველოს მოქალაქე თავისუფალია

პაპუაშვილი: რეზოლუციებმა საბოლოოდ გადაკვეთეს ქართველი ხალხის მიერ დადგენილი წითელი ხაზები