ვაზიანში, სახმელეთო ჯარების აღმოსავლეთ სრადლობის შტაბის, IV მექანიზირებული და I საარტილერიო ბრიგადების მონაწილეობით, გეგმიური სასწავლო ვარჯიშები გაიმართა.

თავდაცვის სამინისტროს ინფორმაციით, სახმელეთო ჯარების აღმოსავლეთ სარდლობამ სწავლება სამხედრო მოსამსახურეების საბრძოლო მზადყოფნაში მოყვანისა და შემოწმების მიზნით ჩაატარა. 

სასწავლო განგაშის გამოცხადების შემდეგ, სამხედრო მოსამსახურეებმა თავმოყრის რაიონებში გასვლა დაგეგმეს და მარშრუტები შეარჩიეს. სტანდარტული ოპერაციების პროცედურების მიხედვით, განხორციელდა მართვა და კონტროლი. 

სწავლებას გენერალური შტაბის უფროსი, გენერალ-მაიორი ვახტანგ კაპანაძე დაესწრო. მან გეგმიურ ვარჯიშს მაღალი შეფასება მისცა და ყურადღება სამომავლოდ მსგავსი წვრთნების  ჩატარებაზე გაამახვილა.

სწავლებაში ჩართული იყო IV მექანიზირებული ბრიგადის 2-C1 ბატალიონი, სატანკო და მექანიზირებული ბატალიონების ტაქტიკური ჯგუფი, ასევე I საარტილერიო ბრიგადის MCTA ბატალიონი საარტილერიო ტექნიკითა და ტაქტიკური ჯგუფით.

როგორც თავდაცვის უწყებაში აცხადებენ, გეგმიური სასწავლო ვარჯიშები სახმელეთო ჯარების შეიარაღებულ ძალებში გეგმიურად ჩატარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება