საქართველოს შეიარაღებული ძალების სახმელეთო ჯარების დასავლეთ სარდლობის II ქვეით ბრიგადას ახალი მეთაური ჰყავს. თავდაცვის სამინისტროს ინფორმაციით, დასავლეთ სარდლობის სარდალმა, პოლკოვნიკმა შალვა ჯაბახიძემ ბრიგადის დროშა ახალ მეთაურს, ვიცე-პოლკოვნიკ გიორგი ბლიაძეს საზეიმო ვითარებაში გადასცა. დროშის გადაბარების ცერემონიალს საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე და დასავლეთ სარდლობის სხვა მაღალი რანგის სამხედრო მოსამსახურეები დაესწრნენ.

„მინდა მივულოცო მეორე ქვეითი ბრიგადის ახლად დანიშნულ მეთაურს, ვიცე-პოლკოვნიკ ბლიაძეს ეს ძალიან მნიშვნელოვანი და საპასუხიმგებლო თანამდებობა. მე მას ვიცნობ მისი ჯარისკაცობის პერიოდიდან. ერთად მოგვიწია საბრძოლო მოქმედებებში ყოფნამ, ერთად მოგვიწია სამხედრო სამსახური, ჩემს დაქვემდებარებაშიც იყო და, ვფიქრობ, რომ ერთ-ერთი საუკეთესო სამხედრო იყო ვისთანაც მქონია ურთიერთობა. რაც შეეხება დღევანდელ ცერემონიალს, ეს არის უდიდესი ღირსების მატარებელი ღონისძიება, რადგან დროშასთან ერთად მეთაური იბარებს ღირსებას, იღებს თავის თავზე პასუხისმგებლობას, რომ წარმატებით გაართმევს თავს ბრიგადის წინაშე დასმულ ყველა ამოცანას, ასევე გააგრძელებს იმ ტრადიციებს, რომელიც ბრიგადას გააჩნია“, - აღნიშნა გენერალ-მაიორმა ვახტანგ კაპანაძემ.

ვიცე-პოლკოვნიკმა გიორგი ბლიაძემ ძირითადი სამხედრო განათლება გერმანიაში მიიღო, სადაც ოცმეთაურის, ასმეთაურის და ბატალიონის მეთაურის კურსები გაიარა. ასევე დამთავრებული აქვს თურქეთის ომის კოლეჯი. 
II ქვეითი ბრიგადის ახალი ხელმძღვანელი ვიცე-პოლკოვნიკი გიორგი ბლიაძე დაჯილდოებულია უწყებრივი მედლებით - „გენერალი კვინიტაძე“, „გენერალი მაზნიაშვილი“. ასევე მიღებული აქვს „ვახტანგ გორგასლის III ხარისხის ორდენი და მედალი „სამშვიდობო მისიაში მონაწილეობისთვის“. დღემდე II ქვეითი ბრიგადის მეთაურის მოვალეობას ვიცე-პოლკოვნიკი მალხაზ კალმახელიძე ასრულებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა