სტატისტიკის ეროვნული სამსახურის მონაცემებით, 2026 წლის ივლისში, წინა თვესთან შედარებით, საქართველოში ინფლაციის დონემ -0.4%, ხოლო წლიურმა ინფლაციის დონემ 5.5% შეადგინა.

გასული 1 წლის განმავლობაში ფასები ყველაზე მეტად, 14.2%-ით გაზრდილია ტრანსპორტის ქვეჯგუფზე, რაც წლიურ ინფლაციაზე 1.66%-ით აისახა. 

რაც შეეხება სურსათს, საქსტატის ცნობით, სურსათისა და უალკოჰოლო სასმელების ჯგუფზე, წინა წელთან შედარებით, ფასები 4.9%-ით გაიზარდა, რაც წლიურ ინფლაციაზე 1.74%-ით აისახა, მათ შორის ფასებმა მოიმატა შემდეგ ქვეჯგუფებზე:

თევზეული - 18.2%;
ხორცი და ხორცის პროდუქტები 9.2%;
პური და პურპროდუქტები 8.1%;
ზეთი და ცხიმი 7.6%;
ყავა, ჩაი და კაკაო 6.4%;
რძე, ყველი და კვერცხი 4.2%;
ხილი და ყურძენი 2.5%;
შაქარი, ჯემი და სხვა ტკბილეული 1.7%;
მინერალური და წყაროს წყალი, უალკოჰოლო სასმელები და ნატურალური წვენები 1.5%
ხოლო ბოსტნეულისა და ბაღჩეულის ფასმა 5.7%-ით დაიკლო.

ბოლო ერთი წლის განმავლობაში გაძვირდა: 

ტრანსპორტი - 14.2%;
საცხოვრებელი, წყალი, ელ.ენერგია, აირი - 8.3%;
სასტუმროები, კაფეები და რესტორნები - 7.9%;
სხვადასხვა საქონელი და მომსახურება - 7.6%;
ალკოჰოლური სასმელები, თამბაქო - 5.6%;
სურსათი და უალკოჰოლო სასმელები - 4.9%;
ჯანმრთელობის დაცვა - 4.7%;
განათლება - 2.4%;
ტანსაცმელი და ფეხსაცმელი - 1.1%;
დასვენება, გართობა და კულტურა - 1.0%;
ბოლო ერთი წლის განმავლობაში გაიაფდა:

კავშირგაბმულობა - 6.3%;
ავეჯი, საოჯახო ნივთები, სახლის მოვლა - 2.4%
 

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება