ცხინვალის რეგიონის დე ფაქტო პრემიერ-მინისტრმა, ძამბოლატ ტადტაევმა, თანამდებობა დატოვა. ეს მოხდა ე.წ. მთავრობის სხდომაზე, რომელსაც ცხინვალის დე ფაქტო ლიდერი, ალან გაგლოევი ესწრებოდა.

შეხვედრაზე მოსკოვისა და ცხინვალის შემდგომი განვითარება და მათ შორის მიღწეული შეთანხმებების შესრულება განიხილეს.

გაგლოევმა ტადტაევის გადადგომა მიიღო. ახალი „პრემიერ-მინისტრის“ დანიშვნამდე, პრემიერ-მინისტრის მოვალეობის შემსრულებელი მისი მოადგილე, კონსტანტინე ჯიოევი იქნება.

ამასობაში, მედიაში გავრცელებული ინფორმაციით, ახალი დე ფაქტო პრემიერ-მინისტრი შეიძლება გახდეს ამჟამინდელი „სახელმწიფო მრჩეველი“ მარატ კამბოლოვი, რომელიც რუსეთის პროტეჟედ ითვლება. ასევე ვრცელდება ინფორმაცია, რომ კრემლი მას 2027 წელს ოკუპირებულ რეგიონში ე.წ. არჩევნების შემდეგ ცხინვალის დე ფაქტო ლიდერად ამზადებს.

შეგახსენებთ, რომ ძამბოლატ ტადტაევი „პრემიერ-მინისტრად“ 2026 წლის თებერვალში დაინიშნა. 2026 წლის იანვრის ბოლოს ცხინვალის დე ფაქტო ლიდერმა „მთავრობა“ დაითხოვა და მისი „ხელმძღვანელი“, კონსტანტინე ჯუსოევი, სავარაუდოდ, „მისი თხოვნით“ (ის ამ ე.წ. თანამდებობას 2022 წლის 20 ივნისიდან იკავებდა - რედ.) თანამდებობიდან გაათავისუფლა. ტადტაევი დროებით დაინიშნა მისი მოვალეობის შესასრულებლად.

ავტორი: ექსპრესნიუსი,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა