საქართველოს მეხუთე პრეზიდენტმა, სალომე ზურაბიშვილმა განაცხადა, რომ ბოლო რამდენიმე წლის განმავლობაში საქართველოში მომხდარი მოვლენები დემოკრატიისა და სახელმწიფოს ხელში ჩაგდებას წარმოადგენს.

ოსლოს თავისუფლების ფორუმზე გამოსვლისას პოლიტიკოსმა აღნიშნა, რომ ქვეყანა, სავარაუდოდ, ერთ-ერთ ყველაზე რთულ პერიოდს განიცდის. ზურაბიშვილმა თქვა, რომ ეს იმის მიუხედავად ხდება, რომ სულ რაღაც გუშინ საქართველო დემოკრატიის შუქურა იყო, მეზობელ ქვეყნებს შორის ლიდერი ევროპული ინტეგრაციის საკითხში, რეფორმებისა და ტრანსფორმაციის მოდელი.

„რუსეთის 2008 წელს განხორციელებული აგრესიისა და მისი ტერიტორიის 20%-ის ოკუპაციის მიუხედავად, ქვეყანამ მოახერხა სუვერენიტეტის შენარჩუნება. თუმცა, ძალიან სწრაფად, ბოლო წლებში მომხდარი დემოკრატიისა და სახელმწიფოს ხელში ჩაგდებაში გადაიზარდა. ეს არის საზოგადოების გაუცხოება და დამორჩილება. ახლა ჩვენ მივაღწიეთ იმ წერტილს, სადაც ან თავს ვიხსნით, ან დიქტატურას ვემორჩილებით. სამწუხაროდ, ეს დღეს ჩვეულებრივ მოვლენად იქცა, რასაც ბევრ ქვეყანაში ვხედავთ“, - განაცხადა მან.

ზურაბიშვილმა აღნიშნა, რომ „საქართველო წარმოადგენს იმავე მონეტის მეორე მხარეს, რომლის მეორე მხარესაც უკრაინა შეიარაღებულ ბრძოლას აწარმოებს“.

„ჩვენ ვეწინააღმდეგებით სახელმწიფოს ჩუმად ხელში ჩაგდებას ჰიბრიდული ომის გზით — მათ შორის დემოკრატიული ინსტიტუტების, არჩევნების, სოციალური მედიის და ახლა უკვე ხელოვნური ინტელექტის გამოყენებით. და ეს ყველაფერი გეოგრაფიული საზღვრებით არ შემოიფარგლება“, - აღნიშნა პოლიტიკოსმა.

ავტორი: ექსპრესნიუსი,

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა