„რუსეთი ჰიბრიდულ ომს აწარმოებს, საქართველო კი საცდელ მაგალითს წარმოადგენს“, - განაცხადა საქართველოს მეხუთე პრეზიდენტმა, სალომე ზურაბიშვილმა ოდესაში, შავი ზღვის უსაფრთხოების ფორუმზე გამოსვლისას. ამასობაში, ზურაბიშვილის თქმით, რუსეთის სამხედრო უძლეველობის მითი უკრაინაში გაქარწყლდა.

„მიუხედავად იმისა, რომ ეს მითი გაქარწყლდა, ეს არ ნიშნავს, რომ რუსეთი მზადაა აქ გაჩერდეს. ამავდროულად, ის კიდევ ერთ ომს აწარმოებს - ჰიბრიდულ ომს - საქართველოსთან, როგორც საცდელ მაგალითს. ის არა მხოლოდ რაკეტებით, არამედ არჩევნებით, პროპაგანდით, სამთავრობო ინსტიტუტების მიტაცებით, სამოქალაქო საზოგადოების დაშინებით და საკანონმდებლო იძულების საკუთარი მექანიზმების ექსპორტითაც მიმდინარეობს.

საქართველოში მიღებული ყველა კანონი ჰიბრიდული ჩარევის კამპანიის ნაწილია, რომელიც მიზნად ისახავს საქართველოს ევროპული გზიდან დაშორებას...

რაც აერთიანებს უკრაინას, საქართველოს და მოლდოვას, არის კითხვა, აქვთ თუ არა რუსეთის მეზობლებს სუვერენული უფლება დამოუკიდებლად აირჩიონ საკუთარი მომავალი და დაიცავს თუ არა საერთაშორისო საზოგადოება ამ უფლებას“, - განაცხადა სალომე ზურაბიშვილმა.

ავტორი: ექსპრესნიუსი,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება