მთიან ყარაბაღში გარდაცვლილთა რაოდენობამ 33-ს მიაღწია, 200-ზე მეტი კი დაჭრილია, - ამის შესახებ ინფორმაციას Tass გაეროს ოფიციალურ ვებ-გვერდზე დაყრდნობით ავრცელებს.

ოფიციალურ წყაროზე დაყრდნობით ცნობილია, რომ სომხეთსა და აზერბაიჯანში სულ მცირე 30 ჯარისკაცი და 3 მშვიდობიანი მოქალაქე არის გარდაცვლილი. დაჭრილთა რიცხვი, ოფიციალურად დადასტურებული არ არის. არაოფიციალური ინფორმაციით, მათი რიცხვი 200-ზე მეტია და მათ შორის სამხედროების გარდა მშვიდობიანი მოსახლეობაც არის.

მედია საშუალების ცნობით, დასახლებულ პუნქტში, 14.4 ათასი მოსახლე ცხოვრობს. თუმცა გაეროს ინფორმაციით ჯერჯერობოთ უცნობია რამდენად დაზარალდა ინფრასტრუქტურა და არის თუ არა მოსახლეობა ევაკუირებული.

ვითარება ამ დრომდე დაძაბულია. ამ ღამით საომარი მოქმედებები აგდერ-ტერტერის ტერიტორიაზე მიმდინარეობდა.

ცნობისთვის, კონფლიქტის ზონაში სიტუაციის ესკალაციის შესახებ ცნობები შაბათს დილით გავრცელდა. აზერბაიჯანი და სომხეთი ფრონტის ხაზზე არსებულ ვითარებაზე ურთიერთგამომრიცხავ ინფორმაციას ავრცელებენ.

ბაქო სომხური ტექნიკის და ცოცხალი ძალის დიდ დანაკარგებზე საუბრობს, თავის მხრივ ერევანში აზერბაიჯანელი სამხედროების განადგურების შესახებ აცხადებენ.

მთიანმა ყარაბაღმა, რომელიც ძირითადად ეთნიკური სომხებით არის დასახლებლი, საკუთარი დამოუკიდებლობის შესახებ 1991 წელს გამოაცხადა, რასაც შეიარაღებული კონფლიქტი მოჰყვა. მას შემდეგ, რაც აზერბაიჯანის რეგიონმა დამოუკიდებლობა გამოაცხადა, სომხურმა შეიარღებულმა ძალებმა მისი ოკუპაცია მოახდინეს. ოკუპირებულია ასევე მთიანი ყარაბაღის მიმდებარედ აზერბაიჯანის 7 რაიონი. 1994 წელს აზერბაიჯანმა და სომხეთმა ცეცხლის შეწყვეტის შესახებ შეთანხმება გააფორმეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს

სარჯველაძემ გომის მთაზე ავტოსაგზაო შემთხვევის შედეგად დაზარალებულები მოინახულა

გომის მთაზე მომხდარი ავარიის შედეგად დაშავებული 11 პაციენტიდან 6 ბავშვია, ისინი ბათუმის რესპუბლიკურ საავადმყოფოში არიან