მაქსიმუმ რამდენიმე კვირაში უკვე გვექნება სამმართველო შინაგან საქმეთა სამინისტროში, რომელიც უზრუნველყოფს მუდმივ მონიტორინგს, რათა შუღლი, დაპირისპირება, სიძულვილის ენა იქნას ამ ქვეყანაში უარყოფილი ერთხელ და სამუდამოდ, - ამის შესახებ რეჟიმის ვიცე-პრემიერმა, სახელმწიფო მინისტრმა სამართალდამცავი ორგანოების კოორდინაციის საკითხებში მამუკა მდინარაძემ დღეს გამართულ ბრიფინგზე განაცხადა.

მამუკა მდინარაძის თქმით,  არავითარ შემთხვევაში არ იქნება დაშვებული, რომ  თავისუფალ დისკუსიას რაიმე პრობლემა შეექმნას.

„შინაგან საქმეთა სამინისტრო უზრუნველყოფს იმ თეორიულად მისაღებ ვადაში, რაც სჭირდება ფორმალური თვალსაზრისით ახალი სპეციალური სამმართველოს შექმნას, შექმნას ეს სამმართველო. ამიტომ, მაქსიმუმ რამდენიმე კვირაში უკვე გვექნება სამმართველო შინაგან საქმეთა სამინისტროში, რომელიც უზრუნველყოფს მუდმივ მონიტორინგს, რათა შუღლი, დაპირისპირება, სიძულვილის ენა იქნას ამ ქვეყანაში უარყოფილი ერთხელ და სამუდამოდ. 
პირადად მე, ვიქნები დაინტერესებული ბოლომდე და ჩემი საქმიანობის ერთ-ერთ პრიორიტეტად მივიჩნევ იმას, რომ ბრძოლის ერთგვარი იარაღი, რომელიც თავის მხრივ პოლარიზაციის გაღვივებაში გამოიყენება და ამის მთავარ იარაღად მიიჩნევენ, იყოს მაქსიმალურად განდევნილი ჩვენი საზოგადოებისგან. ეს არის ძალიან მნიშვნელოვანი, იმიტომ, რომ თუ კი ვინმე ჩვენს ქვეყანაში ცდილობს პოლარიზაცია, ერთი მხრივ გამოიყენოს იმის იარაღად, რომ საზოგადოება ერთმანეთთან დააპირისპიროს, გახლიჩოს და მართვა ამ საზოგადოების გარედან იოლი იყოს უფრო და ამის ერთ-ერთ მთავარ იარაღად გამოიყენებენ სიძულვილის ენას, შუღლის გამაღვივებელ ენას, ეს იქნას უარყოფილი და ამას ვებრძოლოთ. შეიძლება დისკუსია, ერთმანეთის კრიტიკა ამის გარეშე და მეორე მხრივ, ჩვენ არავითარ შემთხვევაში არ დავუშვებთ იმას, რომ თავისუფალ დისკუსიას რაიმე პრობლემა შეექმნას და ამავდროულად, პარალელურ რეჟიმში, დავუპირისპირდებით ქმედითი, სამართლებრივი მექანიზმებით, რომლებსაც, თავის მხრივ აქვს უკვე საკანონმდებლო ბაზა. ამის აღსრულებას უზრუნველვყოფთ მაქსიმალურად", -  განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

უკრაინამ ბაშკორტოსტანში მდებარე „გაზპრომის“ უდიდეს ნავთობგადამამუშავებელ ქარხანას ბოლო ერთი თვის განმავლობაში მეორედ შეუტია

ხმარა ნოვოროსიისკში ჩატარებული ოპერაციაზე -ჩვენ შევაჩერებთ რუსულ სამხედრო მანქანას

რუბიო: აშშ-მ „დაბადების ტურიზმის“ წინააღმდეგ ბრძოლის ფარგლებში ერთ თვეში 600-ზე მეტი ვიზა გააუქმა

აშშ-ის დაზვერვამ ევროპა გააფრთხილა, რომ პუტინი „ჰიბრიდულ“ თავდასხმას ამზადებს