აზერბაიჯანის შეიარაღებულმა ძალებმა მთიან ყარაბაღში შეტაკებისას 50-მდე სამხედრო მოსამსახურე დაკარგეს, - ამის შესახებ ე.წ. მთიანი ყარაბაღის რესპუბლიკის დე-ფაქტო თავდაცვის სამინისტრო იუწყება.

მათივე ინფორმაციით, ამჟამად ბრძოლები ფრონტის სამხრეთ ნაწილში მიმდინარეობს.

ცნობისთვის, აზერბაიჯანის თავდაცვის სამინისტროს ინფორმაციით, საბრძოლო მოქმედებებისას აზერბაიჯანმა 12 სამხედრო მოსამსახურე, ერთი შვეულმფრენი და ერთი ტანკი დაკარგა.

„ბრძოლისას 6 სომხური ტანკი, 15 საარტილერიო დანადგარი და ასი სამხედრო მოსამსახურე განადგურდა. აზერბაიჯანის შეიარაღებულმა ძალებმა 12 სამხედრო მოსამსახურე დაკარგა. სომხურ პოზიციებზე ავიაიერიშისას მტერმა აზერბაიჯანის სამხედრო საჰაერო ძალების 1 მი-24 ტიპის შვეულმფრენი ჩამოაგდო“, - აცხადებენ აზერბაიჯანის თავდაცვის სამინისტროში.

კონფლიქტის ზონაში სიტუაციის ესკალაციის შესახებ ცნობები დღეს დილით გავრცელდა. აზერბაიჯანი და სომხეთი ფრონტის ხაზზე არსებულ ვითარებაზე ურთიერთგამომრიცხავ ინფორმაციას ავრცელებენ. ბაქო სომხური ტექნიკის და ცოცხალი ძალის დიდ დანაკარგებზე საუბრობს, თავის მხრივ ერევანში აზერბაიჯანელი სამხედროების განადგურების შესახებ აცხადებენ.

მთიანმა ყარაბაღმა, რომელიც ძირითადად ეთნიკური სომხებით არის დასახლებლი, საკუთარი დამოუკიდებლობის შესახებ 1991 წელს გამოაცხადა, რასაც შეიარაღებული კონფლიქტი მოჰყვა. მას შემდეგ, რაც აზერბაიჯანის რეგიონმა დამოუკიდებლობა გამოაცხადა, სომხურმა შეიარღებულმა ძალებმა მისი ოკუპაცია მოახდინეს. ოკუპირებულია ასევე მთიანი ყარაბაღის მიმდებარედ აზერბაიჯანის 7 რაიონი. 1994 წელს აზერბაიჯანმა და სომხეთმა ცეცხლის შეწყვეტის შესახებ შეთანხმება გააფორმეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება