საპროცედურო საკითხთა კომიტეტმა სახელმწიფო უსაფრთხოების სამსახურის უფროსის მამუკა მდინარაძისთვის უფლებამოსილების ვადამდე შეწყვეტის საკითხს მხარი დაუჭირა

საპროცედურო საკითხთა კომიტეტმა საქართველოს სახელმწიფო უსაფრთხოების სამსახურის უფროსის მამუკა მდინარაძისთვის უფლებამოსილების ვადამდე შეწყვეტის საკითხი განიხილა.

როგორც საპროცედურო საკითხთა კომიტეტის თავმჯდომარემ დავით მათიკაშვილმა აღნიშნა, კომიტეტმა, პარლამენტის რეგლამენტის შესაბამისად, დაადგინა მამუკა მდინარაძის მიერ თანამდებობიდან ნებაყოფლობით გადადგომის შესახებ საქართველოს პარლამენტის თავმჯდომარის სახელზე 2026 წლის 22 აპრილს წარდგენილი განცხადების ნამდვილობა.

„კომიტეტს მიაჩნია, რომ „საქართველოს სახელმწიფო უსაფრთხოების სამსახურის შესახებ" კანონის მე-10 მუხლის პირველი პუნქტის „ვ" ქვეპუნქტისა და მე-2 პუნქტის, აგრეთვე საქართველოს პარლამენტის რეგლამენტის მე-9 მუხლის მე-3 პუნქტისა და 212-ე მუხლის მე-4 პუნქტის შესაბამისად, საქართველოს სახელმწიფო სამსახურის უფროსს, მამუკა მდინარაძეს ვადამდე შეუწყდეს სახელმწიფო სამსახურის უფროსის უფლებამოსილება", - განაცხადა დავით მათიკაშვილმა.

ავტორი: ექსპრესნიუსი,

სოციალური ქსელები

შსს: სასიგნალო შეტყობინების შემოსვლის გამო, გამშვებ პუნქტ დარიალიდან ევაკუაცია მოხდა

საქართველოში გერმანიის ახალ ელჩად ბარაბარა ფოსი დაინიშნა

პარტია ლელო : კობახიძის სიტყვები აფხაზეთში საწვავის მიწოდებასთან დაკავშირებით საკმარისი არ არის

გახარიას პარტია: აფხაზეთში კომერციული საწვავის იმპორტი საქართველოს უსაფრთხოებას საფრთხეს უქმნის