აშშ-ის კონგრესი ბიძინა ივანიშვილის წინააღმდეგ სანქციების მოხსნას არ უჭერს მხარს, განაცხადა ჯორჯ ბუშის ინსტიტუტის აღმასრულებელმა დირექტორმა დევიდ კრამერმა TV პირველის ინტერვიუში. პირიქით, მისი თქმით, არსებობს მხარდაჭერა ივანიშვილის წინააღმდეგ კიდევ უფრო მკაცრი სანქციების დაწესების მიმართ.

„ივანიშვილის წინააღმდეგ სანქციების გაგრძელებასთან დაკავშირებით, ეს მნიშვნელოვანი სიგნალია, მაგრამ ასევე ქმნის გარკვეულ წინააღმდეგობრივ გზავნილებს. როდესაც სახელმწიფო მდივან რუბიოსთან სატელეფონო ზარი გაქვთ, რომლის დეტალებიც დიდწილად არ გამოქვეყნებულა და შემდეგ არის ეს გადაწყვეტილება, რომელსაც მე მხარს ვუჭერ, მე მჯერა, რომ ეს იყო ტრამპის ადმინისტრაციის მიერ სანქციების გაგრძელების პოზიტიური ნაბიჯი, მაგრამ მსურს მეტი ვნახო.

ბაიდენის ადმინისტრაციამ ამ მხრივ სათანადოდ არ იმოქმედა. მას ჰქონდა შესაძლებლობა, დაეწესებინა დამატებითი სანქციები პრემიერ-მინისტრისა და „ქართული ოცნების“ მთავრობის სხვა წევრების წინააღმდეგ მათი საქციელის გამო, მაგრამ ეს არ მოხდა. მსურს, რომ ტრამპის ადმინისტრაციამ უფრო მკაცრი პოზიცია დაიკავოს „ქართული ოცნების“ მთავრობის წინააღმდეგ. აღმასრულებელი ბრძანების 14024 გაგრძელება ჩემთვის დადებითი მოვლენა იყო, მაგრამ სიგნალები გარკვეულწილად დამაბნეველი რჩება იმის თვალსაზრისით, თუ რა არის ტრამპის ადმინისტრაციის რეალური პოლიტიკა.

ამჟამად თბილისში აშშ-ის ელჩი არ არის და სიტუაციას ნამდვილად დაეხმარებოდა, თუ პრეზიდენტის მიერ ნომინირებული და სენატის მიერ დამტკიცებული კანდიდატი დაინიშნებოდა. ეს უფრო მეტ სიცხადეს შემატებდა. ალან პერსელი, რომელთანაც სახელმწიფო დეპარტამენტში ვმუშაობდი, შესანიშნავი დიპლომატი არის, მაგრამ მას არ აქვს...“ სენატის მიერ დამტკიცებული ელჩის სტატუსი. მოიხსნება თუ არა ივანიშვილის წინააღმდეგ სანქციები? არა მგონია.

ამ პროცესში მნიშვნელოვანია აშშ-ის კონგრესის პოზიციაც. როგორც იცით, კონგრესმენი ჯო უილსონი აქტიურად მოუწოდებს სახელმწიფო დეპარტამენტს „ქართული ოცნების“ მიმართ უფრო მკაცრი მიდგომისკენ. სენატორი შაჰინი ასევე ამ მთავრობის მწვავე კრიტიკოსია. საინტერესო იქნება ამჟამინდელი სიტუაცია, რადგან წარმომადგენელთა პალატამ, როგორც ვიცით, უკვე მიიღო MEGOBARI აქტი, მაგრამ სენატში ის დაბლოკა ყოფილმა სენატორმა მარკუეინ მალენმა, რომელიც ახლა ახალ თანამდებობას იკავებს სამშობლოს უსაფრთხოების დეპარტამენტში. როგორც ჩანს, ის იყო ერთადერთი დაბრკოლება კანონპროექტის სენატში მიღებისთვის, ამიტომ შესაძლებელია, რომ სენატმა მაინც განიხილოს ეს ინიციატივა. მე არ ვარ ექსპერტი კონგრესის ტექნიკური დეტალების, მაგალითად, თუ სენატი მიიღებს კანონპროექტს, საჭირო იქნება თუ არა მისი ხელახლა განხილვა წარმომადგენელთა პალატაში, გასული დროის გათვალისწინებით. შესაძლებელია, მაგრამ ვფიქრობ, რომ ეს ძალიან დადებითი სიგნალი იქნება.

ასევე მჯერა, რომ ადმინისტრაციამ უნდა გაითვალისწინოს, რომ აშშ-ის კონგრესში არ არსებობს მხარდაჭერა ივანიშვილის წინააღმდეგ სანქციების მოხსნას. პირიქით, არსებობს „ეს არის მათი გამკაცრებისა და გაფართოების მხარდაჭერა, მათ შორის სხვა თანამდებობის პირების მიმართ, არა მხოლოდ ივანიშვილის. ამიტომ, ჩემი აზრით, ძალიან ნაკლებად სავარაუდოა, რომ ეს სანქციები მოიხსნას“, - თქვა კრამერმა.

ავტორი: ექსპრესნიუსი,

სოციალური ქსელები

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა

არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე

შიო მუჯირი 22 ხმით სრულიად საქართველოს კათოლიკოს-პატრიარქი გახდა