ბოდბელი ეპისკოპოსი მეუფე იაკობი ამბობს, რომ პატრიარქის გამორჩევისას წმინდა სინოდის გადაწყვეტილებაში არავინ უნდა ჩაერიოს. ამის შესახებ მან საკვირაო ქადგებისას ისაუბრა.

შეგვინდოს უწმინდესმა, პირადად მე ვთხოვ, შემინდოს და რაც ვერ გავაკეთე, რაც სხვას დავაკელით, იქნება, ავირჩევთ ახალ პატრიარქს და სინოდის თითოეული წევრი შევეცდებით, რომ ისე მოვიქცეთ, რომ უფლისთვის სათნო იყოს და მხარში დავუდგეთ ერთმანეთს. 

ახლა არის ბევრი ვნებათღელვა, დაბნეულია ერი და ლაპარაკი მიდის იმაზე, ვინ იქნება პატრიარქი, როგორ იქნება. მთავარი ეს კი არ არის, პატრიარქს გამოვირჩევთ, რა თქმა უნდა, ღირსეული იქნება ვისაც გამოვირჩევთ, აქ მთავარი არის ის, რომ ხშირად, დაბნეულები რომ ვიყავით, ზოგი ამბობდა, რომ ამას დაუჭირეთ მხარი, იმას დაუჭირეთ მხარი. მოდი, ჩავთვალოთ, დაბნეულები რომ ვიყავით, იმიტომ ვამბობდით მაგას, თორემ ქრისტიანმა ადამიანმა რომ ეს დაიწყოს, ეს აირჩიეთ, ის აირჩიეთ, ნიშნავს, რომ ქრისტესგან განშორებულია. არჩევა ხომ სული წმინდით ხდება, მე ვერ ვეტყვი ეპისკოპოსს, არ ვკადრებ, ღმერთს არ ვკადრებ იმას, რომ ამას დაუჭირეთ მხარი, იმას დაუჭირეთ მხარი. ვიცი მე, ვინც უნდა ავირჩიო, განა არ ვიცი? აქ არის მთავარი ის, რომ თუ ჭკვიანი ადამიანები დაფიქრდებიან იმაზე, როდესაც უწმინდესი, პატრიარქი საჭეთმპყრობელი ბრძანდებოდა ეკლესიის, აბა, გადახედეთ, სინოდის წევრები ყოველთვის ისე ვიქცეოდით, რომ მასთან ვიდექით თუ ნერვებსაც ვუშლიდით და შეგვინდოს უფალმა, - თქვა მეუფე იაკობმა. 

ავტორი: ექსპრესნიუსი,

სოციალური ქსელები

მეუფე ვახტანგი - ეკლესიაში ახალი პატრიარქის არჩევის შემდეგ ახალი რეფორმები გატარდება

სამების ტაძარში სინოდის გაფართოებული კრება მიმდინარეობს

საქართველოში უფრო მეტი ადამიანი დაუსაქმებელი რჩება, დასაქმების დონე 0.2 პროცენტული პუნქტით შემცირდა

მეუფე იოანე - აშკარაა, რომ გამოცდილება მეუფე შიომ მიიღო უშუალოდ პატრიარქთან ურთიერთობისას