არქიმანდრიტ იოვანე მჭედლიშვილის თქმით, პატრიარქ ილია მეორის დაკრძალვის დღეს სამებაში შესვლა შეზღუდული იქნება. 

მისივე თქმით, იმოქმედებს საშვები.

"ფიზიკურად, კი ხედავთ, რა ხდება. მეტროდან იწყება რიგები უწყვეტად მრავალი საათის განმავლობაში და მითუმეტეს, დაკრძალვის დღეს ბევრად მეტი ადამიანი იქნება და ალბათ, გადაჭედილი იქნება მთელი ეს ტერიტორია სამებიდან - სიონის ტაძრამდე. რა თქმა უნდა, მხოლოდ საშვებით იქნება დაშვება. სასულიერო პირებიც შეზღუდულად იმსახურებენ წირვის დროს და მღვდელმთავრებისთვის იქნება მხოლოდ საშვებით შესვლა. დიდი ალბათობით, ჩვეულებრივ [იქნებიან ეზოში მოქალაქეები], ესეც გაირკვევა ზუსტად, ჯერ დადგენის პროცესია, როგორ იქნება პროტოკოლი. შიგნით არ იქნება [მედიის დაშვება], გარეთ გექნებათ შესაძლებლობა, რომ იმუშაოთ", - თქვა მან.

სრულიად საქართველოს კათოლიკოს-პატრიარქი ილია II 2026 წლის 17 მარტს, 93 წლის ასაკში გარდაიცვალა. ის საქართველოს მართლმადიდებლურ ეკლესიას 1977 წლიდან, თითქმის ნახევარი საუკუნის განმავლობაში, მეთაურობდა. ბოლო წლებში მისი ჯანმრთელობის მდგომარეობა გაუარესდა.

პატრიარქი საავადმყოფოში მოთავსებიდან მეორე დღეს, 17 მარტს თბილისის კავკასიის სამედიცინო ცენტრში გარდაიცვალა. საქართველოში გლოვა გამოცხადდა, რომელიც დაკრძალვის დღემდე გაგრძელდება.

ილია II-ს 22 მარტს, თბილისის სიონის საკათედრო ტაძარში დაკრძალავენ.

ავტორი: ექსპრესნიუსი,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა