სისხლის სამართლის საერთაშორისო სასამართლოს (ICC) პროკურატურამ წინასწარი შესწავლა ორ საქმეზე -  “მდგომარეობა ვენესუელაში II” და “მდგომარეობა ლიეტუვაში/ბელარუსში”, დაასრულა.

"ლიეტუვა/ბელარუსის მდგომარეობასთან დაკავშირებით, საერთაშორისო სისხლის სამართლის სასამართლოს პროკურატურის ოფისმა გამოძიება დაიწყო, რადგან დაასკვნა, რომ არსებობს გონივრული საფუძველი იმის დასაჯერებლად, რომ რომის წესდებით განსაზღვრული დანაშაულები ნაწილობრივ მაინც ჩადენილი იქნა ლიეტუვის ტერიტორიაზე," - წერია ICC-ს განცხადებაში.

გამოძიების დაწყებას საფუძვლად უდევს 2024 წლის სექტემბერში გაკეთებული ლიეტუვის მიმართვა, რომლის მიხედვითაც ბელარუსის პოლიტიკური ოპონენტების წინააღმდეგ ჩადენილი დანაშაულების ნაწილი ლიეტუვის ტერიტორიაზე მოხდა, რაც სასამართლოს ბელარუსზე იურისდიქციას ანიჭებს, მიუხედავად იმისა, რომ ის სასამართლოს წევრი სახელმწიფო არ არის.

"არსებობს საფუძვლიანი ვარაუდი, რომ დეპორტაციამდე მიმავალი იძულებითი ქმედებები წარმოადგენდა ბელორუსის მთავრობის ფაქტობრივი ან სავარაუდო ოპონენტების წინააღმდეგ მიმართულ ქმედებას, სახელმწიფო პოლიტიკის შესაბამისად ან მისი ხელშეწყობის მიზნით. ოფისმა დაასკვნა, რომ ხელისუფლების მიერ ჩადენილი სავარაუდო დანაშაულები წახალისებული ან დამტკიცებული იყო მთავრობის უმაღლეს დონეზე.

ასევე არსებობს საფუძვლიანი ვარაუდი, რომ ეს დანაშაულები მშვიდობიანი მოსახლეობის წინააღმდეგ ფართომასშტაბიანი და სისტემატური თავდასხმის ფარგლებში იყო ჩადენილი, მათი მასშტაბის, მსხვერპლთა რაოდენობისა და ქმედებების ორგანიზებული ხასიათის გათვალისწინებით," - წერია განცხადებაში.

ICC-ს ახალი გამოძიება მოიცავს კაცობრიობის წინააღმდეგ ჩადენილ დანაშაულებს, როგორიცაა დეპორტაცია და დეპორტაციის გზით პოლიტიკური ნიშნით დევნა.

ავტორი: ექსპრესნიუსი,

სოციალური ქსელები

უკრაინამ ბაშკორტოსტანში მდებარე „გაზპრომის“ უდიდეს ნავთობგადამამუშავებელ ქარხანას ბოლო ერთი თვის განმავლობაში მეორედ შეუტია

ხმარა ნოვოროსიისკში ჩატარებული ოპერაციაზე -ჩვენ შევაჩერებთ რუსულ სამხედრო მანქანას

რუბიო: აშშ-მ „დაბადების ტურიზმის“ წინააღმდეგ ბრძოლის ფარგლებში ერთ თვეში 600-ზე მეტი ვიზა გააუქმა

აშშ-ის დაზვერვამ ევროპა გააფრთხილა, რომ პუტინი „ჰიბრიდულ“ თავდასხმას ამზადებს