ქობულეთი ბათუმის შემოვლით გზაზე მომხდარ ავარიაში გარდაცვლილები ჯარიკაცები არიან

2026-02-26 12:57:37, 3409 ნახვა

სამართალი

ქობულეთის შემოვლით გზაზე მომხდარ ავტოსაგზაო შემთხვევას თავდაცვის ძალების ორი სამხედრო მოსამსახურე ემსხვერპლა.

თავდაცვის სამინისტროს ცნობით, გარდაცვლილები არიან: მძღოლი კაპრალ სპეციალისტი ლევან აშორტია და კაპრალი ლავრენტი მაკარაძე.

"თავდაცვის სამინისტრო ღრმა მწუხარებას გამოთქვამს მომხდარის გამო და თანაუგრძნობს გარდაცვლილი სამხედროების ოჯახის წევრებსა და ახლობლებს"- დაწერა უწყებამ.

ავტოსაგზაო შემთხვევა რამდენიმე საათის წინ მოხდა - ერთმანეთს სატვირთო მანქანა და ავტობუსი შეეჯახა.

ფაქტზე გამოძიება სისხლის სამართლის კოდექსის 276 ე მე-6 ნაწილით მიმდინარეობს.

ავარიის ფოტოს აჭარის საზოგადოებრივი მაუწყებელი ავრცელებს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,