იტალია ეწინააღმდეგებოდა რუსეთისა და ბელორუსის სპორტსმენებისთვის პარალიმპიურ თამაშებზე ეროვნული დროშებით შეჯიბრში მონაწილეობის უფლების მიცემას.

იტალიის საგარეო საქმეთა მინისტრის, ანტონიო ტაიანის და სპორტის მინისტრის, ანდრეა აბოდის განცხადებით, თამაშების მასპინძელმა ქვეყანამ საერთაშორისო პარალიმპიურ კომიტეტს მოუწოდა, გადაეხედა თავისი წინა გადაწყვეტილებისთვის, რადგან ის " შეუთავსებელია თამაშების სულისკვეთებასთან, სანამ უკრაინაში ომი " გრძელდება.

მათი თქმით, იტალიის პოზიციას, რომ რუს და ბელორუს სპორტსმენებს მხოლოდ ნეიტრალური სპორტსმენების სტატუსით შეჯიბრში მონაწილეობის უფლება უნდა მიეცეთ, იზიარებს კიდევ 33 ქვეყანა, ასევე ევროკომისია.

რუსეთს და ბელორუსს 2022 წელს პარალიმპიურ შეჯიბრებებში მონაწილეობა აუკრძალეს, მაგრამ 2025 წლის სექტემბერში IPC-ის წევრმა ორგანიზაციებმა გადაწყვიტეს ნაწილობრივი სანქციების მოხსნა.

ზამთრის პარალიმპიური თამაშები იტალიაში 6-დან 15 მარტამდე გაიმართება.

წინა დღეს უკრაინის საგარეო საქმეთა მინისტრმა, ანდრეი სიბიჰამ, პარალიმპიური თამაშების გახსნის ცერემონიის ბოიკოტირებისკენ მოუწოდა, რუს და ბელორუს სპორტსმენებს ეროვნული სიმბოლოებითა და ჰიმნებით შეჯიბრში მონაწილეობის უფლების მიცემის წინააღმდეგ პროტესტის ნიშნად.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება