ესპანეთში, კორდობას პროვინციის ქალაქ ადამუსში ორი ჩქაროსნული მატარებლის შეჯახების შედეგად 39 ადამიანი დაიღუპა.

ამის შესახებ EFE-ს გამოძიებასთან დაახლოებულმა წყაროებმა აცნობეს.

გარდა ამისა, 73 ადამიანი საავადმყოფოში გადაიყვანეს, რომელთაგან 24 მძიმე მდგომარეობაშია, მათ შორის ოთხი არასრულწლოვანი.

ესპანური რკინიგზის ოპერატორის, Renfe-ს ხელმძღვანელმა, ალვარო ფერნანდეს ჰერედიამ, ადამუსში ჩასვლისას აღნიშნა, რომ „ინციდენტის მასშტაბის შეფასება ჯერ კიდევ რთულია“.

მან „გულწრფელი სამძიმარი გამოუცხადა მატარებლის ავარიის მსხვერპლთა ოჯახებსა და მეგობრებს“.

მალაგიდან მადრიდში 300 მგზავრით მიმავალი Iryo-ს მატარებლის რამდენიმე ვაგონი ლიანდაგიდან გადავიდა და შეეჯახა საპირისპირო მიმართულებით მიმავალ Alvia-ს მატარებელს, რომლის ბორტზეც 184 მგზავრი იმყოფებოდა და უელვასკენ მიემართებოდა.

მეორე მატარებლის რამდენიმე ვაგონი ოთხმეტრიანი ფერდობიდან გადავარდა, რამაც ავარიის ადგილზე მისვლა გაართულა.

ტრანსპორტის მინისტრმა ოსკარ პუენტემ ავარიას „უკიდურესად უცნაური“ უწოდა და დააკონკრეტა, რომ ის გზის სწორ მონაკვეთზე მოხდა, გზა მაისში შეკეთდა და გამოთქვა რწმენა, რომ გამოძიება დაადგენს მიზეზს, იუწყება El Pais.

ავარიის სერიოზულობის გათვალისწინებით, პრემიერ-მინისტრმა პედრო სანჩესმა ორშაბათისთვის დაგეგმილი ყველა შეხვედრა გააუქმა, მათ შორის ოპოზიციის ლიდერ ალბერტო ნუნიეს ფეიხოოსთან შეხვედრა.

ავტორი: ექსპრესნიუსი,

სოციალური ქსელები

„ქართული ოცნების“ გამოცხადებული ღალატის ქრონიკა

კობახიძემ შპს „სოლიდუსს“ სამი თვით გაუგრძელდა ოკუპირებულ ტერიტორიაზე საქმიანობისთვის სპეციალური თანხმობის მოქმედება

ერთ-ერთი კომპანია, რომელმაც ოკუპირებულ აფხაზეთში ბენზინი შეიტანა „სოლიდუსია“ მისი მფლობელი გიორგი არველაძეა

sCoolApp-ის სპეციალური შეთავაზება მშობლებისთვის