თბილისში ჩინეთის სამი მოქალაქე დააკავეს. სახელმწიფო უსაფრთხოების სამსახურის (სუს) ცნობით, ისინი ცდილობდნენ ორი კილოგრამი ურანის, ბირთვული მასალის შეძენას. ამის შესახებ ბრიფინგზე სუს-ის უფროსის პირველმა მოადგილემ, ლაშა მაღრაძემ განაცხადა.

სააგენტოს ცნობით, კრიმინალური ჯგუფი რუსეთის გავლით ჩინეთში რადიოაქტიური ნივთიერების უკანონოდ გადატანას გეგმავდა.

„სუს-ის კონტრდაზვერვისა და სპეციალური ოპერაციების დეპარტამენტების ერთობლივი ოპერაციის შედეგად, თბილისში ჩინეთის სამი მოქალაქე დააკავეს ორი კილოგრამი ურანის შეძენის მცდელობისას. კრიმინალური ჯგუფი აპირებდა რადიოაქტიური ნივთიერების 400 000 დოლარად შეძენას და შემდეგ რუსეთის ფედერაციის გავლით ჩინეთში გადატანას“, - ნათქვამია სუს-ის განცხადებაში.

სააგენტოს ცნობით, ჩინეთის ერთ-ერთმა მოქალაქემ, რომელიც საქართველოში ყოფნის შეზღუდვების დარღვევით იმყოფებოდა, ქვეყანაში ურანის შეძენით დაინტერესებული ექსპერტები მიიწვია და აქტიურად ეძებდა ბირთვული მასალის წყაროებს. კრიმინალური ჯგუფის ქმედებები ჩინეთიდან იყო კოორდინირებული.

გამოძიების დროს, თბილისსა და ბაღში დაკავებულთა დროებითი საცხოვრებელი ადგილები გაჩხრიკეს.

გამოძიება მიმდინარეობს საქართველოს სისხლის სამართლის კოდექსის 230-ე მუხლის პირველი ნაწილით („ბირთვული და რადიოაქტიური მასალების უკანონოდ დამუშავება“), რაც ითვალისწინებს ათ წლამდე თავისუფლების აღკვეთას.

სახელმწიფო უსაფრთხოების სამსახურის წარმომადგენელმა ბრიფინგზე დამატებითი დეტალები არ გაამხილა.

ავტორი: ექსპრესნიუსი,

სოციალური ქსელები

უკრაინამ ბაშკორტოსტანში მდებარე „გაზპრომის“ უდიდეს ნავთობგადამამუშავებელ ქარხანას ბოლო ერთი თვის განმავლობაში მეორედ შეუტია

ხმარა ნოვოროსიისკში ჩატარებული ოპერაციაზე -ჩვენ შევაჩერებთ რუსულ სამხედრო მანქანას

რუბიო: აშშ-მ „დაბადების ტურიზმის“ წინააღმდეგ ბრძოლის ფარგლებში ერთ თვეში 600-ზე მეტი ვიზა გააუქმა

აშშ-ის დაზვერვამ ევროპა გააფრთხილა, რომ პუტინი „ჰიბრიდულ“ თავდასხმას ამზადებს