შინაგან საქმეთა სამინისტროს განცხადებით, მაღალი საზოგადოებრივი ინტერესიდან გამომდინარე, პოლონეთისა და საქართველოს მოქალაქეებს შორის მომხდარი კონფლიქტის ამსახველ კადრებს აქვეყნებენ. 

ცნობისთვის, 9 ოქტომბერს ცნობილი გახდა, რომ თბილისში პოლონეთის 3 მოქალაქეს თავს დაესხნენ. ინფორმაცია თავდაპირველად პოლონურმა მედიამ პოლონეთის სასაზღვრო დაცვის სარდლობაზე დაყრდნობით გაავრცელა. მათივე ცნობით, დაზიანებები პოლონეთის სასაზღვრო დაცვის სამსახურის ორ თანამშრომელს აქვს მიყენებული. 

მოგვიანებით განცხადება გაავრცელა საქართველოს შინაგან საქმეთა სამინისტრომაც. უწყების ცნობით, საქმეზე დაკავებულია საქართველოს ორი მოქალაქე -  2004 წელს დაბადებული ს.ჯ. და წარსულში სხვადასხვა მძიმე დანაშაულისთვის ნასამართლევი, 1985 წელს დაბადებული ე.გ.

"გამოძიებით დადგინდა, რომ ბრალდებულებმა, ურთიერთშელაპარაკების ნიადაგზე, თბილისში მდებარე ერთ-ერთი რესტორნის მიმდებარე ტერიტორიაზე, სხვადასხვა სახის დაზიანებები მიაყენეს პოლონეთის სამ მოქალაქეს, ხოლო ფიზიკური დაპირისპირებისას ერთ-ერთმა ბრალდებულმა, ე.გ-მ ბლაგვი საგნის გამოყენებით ფიზიკურად იძალადა მათზე" - ნათქვამია შსს-ს განცხადებაში.

შსს-ს ცნობით, დაშავებულები შესაბამისი სამედიცინო დახმარების გაწევის მიზნით საავადმყოფოში გადაიყვანეს.

გამოძიება სისხლის სამართლის კოდექსის 126-ე მუხლის პირველი პრიმა ნაწილით მიმდინარეობს.

ავტორი: ექსპრესნიუსი,

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს