ონლაინ მედია პუბლიკას განცხადებით, მელიქიშვილის გამზირზე, კახა კალაძის შტაბთან გამართულ აქციაზე მათ ორ ჟურნალისტს - ალექსანდრე ქეშელაშვილსა და ქეთო მიქაძეს, ჟურნალისტური საქმიანობის შესრულების დროს, ტიტუშკები ფიზიკურად გაუსწორდნენ და ტელეფონები წაართვეს.

"ალექსანდე ქეშელაშვილის ტელეფონის დაბრუნება მოვახერხეთ კოლეგის დახმარებით, ამ დრომდე ვეძებთ პუბლიკის კუთვნილ მეორე ტელეფონს.

პუბლიკა მოუწოდებს პირს, რომელმაც ჩვენს ჟურნალისტს ტელეფონი წაართვა, დაუბრუნოს ის რედაქციას. გვაქვს ვიდეოკადრები, სადაც ჩანს, თუ ვინ ართმევს ჩვენს ჟურნალისტს ტელეფონს.

პუბლიკა შინაგან საქმეთა სამინისტროს მოუწოდებს, მოახდინოს შესაბამისი რეაგირება რედაქციის ტექნიკის მოპარვასა და ჩვენი ჟურნალისტების მიმართ პროფესიული საქმიანობის ხელშეშლის ფაქტებზე". - წერია პუბლიკას განცხადებაში.

"ეს იყო მიზანმიმართული ძალადობა ჟურნალისტებზე" - ამის შესახებ გამოცემა "პუბლიკას" მთავარმა რედაქტორმა, ლიკა ზაკაშვილმა განაცხადა. 

მისი თქმით, "პუბლიკას" ორი ჟურნალისტი, რომლებსაც დაპირისპირების დროს მობილური ტელეფონები წაართვეს და ფიზიკურად გაუსწორდნენ, კახა კალაძის შტაბთან პოლიციას ელოდებიან. 

ლიკა ზაკაშვილი შსს-ს მოუწოდებს დაუყოვნებლივ გამოიძიოს ჟურნალისტებზე თავდასხმის ფაქტი. მისი თქმით, ორივე თავდამსხმელი, მათი მხრიდან, უკვე იდენტიფიცირებულია და ახალა გამოძიების რეაგირებას ელოდებიან. 

ავტორი: ექსპრესნიუსი,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება