აშშ-ის პრეზიდენტმა დონალდ ტრამპმა რომის პაპის დაკრძალვის ცერემონიაზე უკრაინის ლიდერ ვოლოდიმირ ზელენსკისთან პირადი მოლაპარაკებების გამართვა მოითხოვა. ამის შესახებ ტრამპის ეროვნული უსაფრთხოების მრჩეველმა მაიკლ ვალცმა Fox News-თან ინტერვიუში განაცხადა, იტყობინება The Telegraph.

მისი თქმით, აშშ-ის პრეზიდენტი მტკიცედ იყო გადაწყვეტილი, რომ ვატიკანში პირადად შეხვედროდა ზელენსკის, რათა სამშვიდობო მოლაპარაკებები წინ წასულიყო.

„მას მტკიცედ ჰქონდა გადაწყვეტილი, პირისპირ ესაუბრა ზელენსკის და განეხილა, თუ როგორ ვაპირებთ ევროპაში ყველაზე მასშტაბური სახმელეთო ომის დასრულებას“, - თქვა ვალცმა.

მრჩეველმა ხაზგასმით აღნიშნა, რომ ტრამპი მტკიცედ არის გადაწყვეტილი, გამოიყენოს დიპლომატია ამ ომის დასასრულებლად და ორივე მხარესთან სასაუბროდ.

„მართლაც განსაკუთრებული იყო იქ სხვა მსოფლიო ლიდერებთან ერთად დგომა და პრეზიდენტ ტრამპის ხელმძღვანელობის ყურება“, - დასძინა ვალცმა.

მან ასევე აღნიშნა, რომ 100 დღის წინ აშშ-ის ყოფილმა პრეზიდენტმა ჯო ბაიდენმა ომის დასასრული ვერ დაინახა, თუმცა ტრამპი მტკიცედ არის გადაწყვეტილი.
26 აპრილს, რომის პაპის დაკრძალვის ცერემონიაზე, უკრაინისა და აშშ-ის პრეზიდენტებმა მოლაპარაკებები გამართეს. ამის შემდეგ, ვლადიმერ ზელენსკიმ გაამხილა, თუ რაზე ისაუბრა ტრამპთან ვატიკანში.

„კარგი შეხვედრა იყო. ჩვენ მოვახერხეთ ბევრი რამის განხილვა პირისპირ. ვიმედოვნებთ, რომ ყველაფერი, რაც ითქვა, შედეგს გამოიღებს. ჩვენი ხალხის სიცოცხლის დაცვა. სრული და უპირობო ცეცხლის შეწყვეტა. საიმედო და ხანგრძლივი მშვიდობა, რომელიც ომის განმეორებისგან დაგიცავთ“, - განაცხადა უკრაინის ლიდერმა.

ტრამპმა ზელენსკისთან შეხვედრის შემდეგ მკაცრი განცხადება გააკეთა. მან ხაზგასმით აღნიშნა, რომ პუტინს არ ჰქონდა მიზეზი, ბოლო დღეებში უკრაინის მშვიდობიანი მოსახლეობის, ქალაქებისა და დაბების მიმართულებით რაკეტები გაესროლა.

ავტორი: ექსპრესნიუსი,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა