უკრაინის პრეზიდენტმა ვოლოდიმირ ზელენსკიმ 5 აპრილს გამოქვეყნებულ ვიდეომიმართვაში განაცხადა, რომ "რუსეთმა ყველაფერზე უნდა აგოს პასუხი". 

განცხადება მოჰყვა 4 აპრილს უკრაინის ქალაქ კრივოი როგზე განხორციელებულ რუსულ სარაკეტო თავდასხმას, რომელმაც ადგილობრივი ხელისუფლების ინფორმაციით, 18 ადამიანი იმსხვერპლა, მათ შორის 9 ბავშვი. 

"დუმილი იმაზე, რომ რუსეთი ბავშვებს ბალისტიკური იარაღით ხოცავს, მცდარი და სახიფათოა. ეს მხოლოდ ახალისებს კრემლის ბოროტმოქმედებს, რომ განაგრძონ ომი და კვლავ უგულებელყონ დიპლომატია.

ზელენსკიმ ვიდეომიმართვაში მადლიერება გამოხატა იმ ლიდერების, საგარეო საქმეთა მინისტრებისა და საელჩოების მიმართ, რომლებმაც თავდასხმაზე საკუთარი პოზიცია დააფიქსირეს. 

"მსოფლიოს ბევრმა წარმომადგენელმა გამოხატა თავისი პოზიცია თავდასხმის შემდეგ. ყველას, ვინც ამას ხედავს და თვალს არ ხუჭავს. ამბობს სიმართლეს მკაფიოდ და ღიად მადლობა უნდა გადავუხადოთ". - განაცხადა უკრაინის პრეზიდენტმა.

"უნდა მოვახდინოთ ზეწოლა მათზე, რეალური ზეწოლა, არ დავკარგოთ დრო ფუჭ ლაპარაკში. რათა ეს ომი დასრულდეს". - აღნიშნა ზელენსკიმ.

ავტორი: ექსპრესნიუსი,

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს