2024-11-25 10:20:36, 415 ნახვა
პოლიტიკა
ირაკლი კობახიძემ საგარეო საქმეთა, იუსტიციისა და სოფლის მეურნეობის მინისტრობის ახალი კანდიდატები წარადგინა
საქართველოს პრემიერ-მინისტრმა, ირაკლი კობახიძემ მინისტრობის სამი ახალი კანდიდატი დაასახელა.
როგორც კობახიძემ ცოტა ხნის წინ მთავრობის ადმინისტრაციაში გამართულ ბრიფინგზე განაცხადა, საგარეო საქმეთა მინისტრის პოსტზე ილია დარჩიაშვილის ნაცვლად, უმრავლესობის დეპუტატის, მაკა ბოჭორიშვილის კანდიდატურა იქნება წარდგენილი.
ასევე, პრემიერ-მინისტრმა იუსტიციის მინისტრის პოსტზე საპარლამენტო უმრავლესობის ერთ-ერთი ლიდერის, ანრი ოხანაშვილის კანდიდატურა დაასახელა.
რაც შეეხება გარემოს დაცვისა და სოფლის მეურნეობის მინისტრის თანამდებობას, კობახიძის თქმით, აღნიშნულ პოსტზე უმრავლესობის წევრის, დავით სონღულაშვილის კანდიდატურა იქნება წარდგენილი.
ავტორი: ექსპრესნიუსი,
epn.ge (@expressnews.ge)
