თბილისში, რუსთაველის გამზირზე საპროტესტო აქციის მონაწილეები კარვებს შლიან.

კარვებთან ერთად, პარლამენტის მიმდებარე ტერიტორიაზე მიტანილი აქვთ წყალი, საკვები და ღამისთევისთვის საჭირო ნივთები.

მანამდე, პროტესტის მონაწილეებმა პარლამენტის მიმდებარე ტერიტორიაზე პირველი რესპულიკის მოედნიდან მსვლელობით გადაინაცვლეს. 

მსვლელობაში, მოქალაქეებთან ერთად, ოპოზიციური კოალიციების ლიდერებიც მონაწილეობდნენ.

ისინი 26 ოქტომბრის საპარლამენტო არჩევნების შედეგებს არ აღიარებენ და ხელახალ არჩევნებს მოითხოვენ.

აქციის მონაწილეები გეგმავენ, რომ ღამე საკანონმდებლო ორგანოსთან გაათენონ, ხვალ კი, გააპროტესტონ მე-11 მოწვევის პარლამენტის პირველი პლენარული სხდომა, რომელიც 12:00 საათზე უნდა დაიწყოს. 

აღსანიშნავია, რომ პირველი რესპუბლიკის მოედნიდან პარლამენტის მიმართულებით მსვლელობის დროს, მოქალაქეებსა და პოლიციას შორის რამდენჯერმე ვითარება დაიძაბა. დაძაბულობა მას შემდეგ დაიწყო, რაც მოქალაქეებს, რომლებიც ავტოკოლონებით ცდილობდნენ საკანონმდებლო ორგანოს ტერიტორიაზე მისვლას, პოლიცია ამის საშუალებას არ აძლევდა, თუმცა ამის მიუხედავად, ღამისთევისთვის საჭირო ინვენტარით დატვირთულმა რამდენიმე ავტომანქანამ პარლამენტთან მისვლა მაინც შეძლო.

ავტორი: ექსპრესნიუსი,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს