დღეს, 24 ნოემბერს თბილისში საპროტესტო მსვლელობა გაიმართება. 

ღონისძიების ორგანიზატორები FULL STOP · წერტილი და კულტურა დემოკრატიისთვის არიან.

როგორც ორგანიზატორების მიერ სოციალურ ქსელში გამოქვეყნებულ განცხადებაშია აღნიშნული, მსვლელობა 17:00 საათზე, რუსთაველის მეტროს მიმდებარე ტერიტორიიდან დაიწყება და თბილისის სახელმწიფო უნივერსიტეტთან დასრულდება.

„26 ოქტომბრის საპარლამენტო არჩევნების გაყალბებით, მმართველმა პარტიამ, უგულებელყო უმრავლესობის ნება და საქართველოს მოქალაქეებს ყველაზე მთავარი - არჩევანის თავისუფლება წაართვა.

საქართველოს სახელოვნებო სცენა პროტესტს უცხადებს რეჟიმს, რომელიც ებრძვის ადამიანის ისეთ ფუნდამენტურ უფლებებს, როგორიც სიტყვის, გამოხატვისა და არჩევანის თავისუფლებაა.

ქართული კულტურა საფრთხეშია და მასთან ერთად, საფრთხეშია თავად ქართული იდენტობაც. ამის კარგი ილუსტრაციაა ივანე ჯავახიშვილის სახელობის თბილისის სახელმწიფო უნივერსიტეტში მიმდინარე ბოლოდროინდელი მოვლენებიც.

ჩვენ თავს ვალდებულად ვთვლით, არ გავჩუმდეთ ქვეყნისთვის გადამწყვეტ მომენტში, დავიცვათ ადამიანის ძირეული უფლებები და ქართველი ხალხის არჩეული, ისტორიული ევროპული კურსი.

ვიწყებთ პროტესტების სერიას, რომელსაც სხვადასხვა ფორმა და შინაარსი ექნება. ყველას, ვისთვისაც მნიშვნელოვანია ქართული კულტურა და იდენტობა - ვთხოვთ შემოგვიერთდეს.

მოძრაობის პირველი მსვლელობა კვირას, 17:00-ზე გაიმართება. შეხვედრის ადგილი - შოთა რუსთაველის ძეგლთან, რუსთაველის მეტროს გვერდით. სტუდენტებისადმი სოლიდარობის ნიშნად, მსვლელობის ბოლო წერტილი ივანე ჯავახიშვილის სახელობის თბილისის სახელმწიფო უნივერსიტეტი იქნება“,- აღნიშნულია ორგანიზატორების განცხადებაში.

ავტორი: ექსპრესნიუსი,

სოციალური ქსელები

„თეგეტამ“ „დეილი ჯგუფს“ საოპერაციო ლიზინგის ფარგლებში FAW-ის 50 სატვირთო ავტომობილი მიაწოდა

ბერა ივანიშვილზე დაწერილი პოსტის გამო, ნატა ფერაძე სასამართლოში დაიბარეს

სუს: სოფელ ბერუშეთთან ოკუპანტების მიერ დაკავებული საქართველოს მოქალაქე თავისუფალია

პაპუაშვილი: რეზოლუციებმა საბოლოოდ გადაკვეთეს ქართველი ხალხის მიერ დადგენილი წითელი ხაზები