ბიძინა და მისი კლანი ყიდიან ქვეყნის ღირსებას საკუთარი ძალაუფლების შენასანარჩუნებლად,- ასე ეხმაურება "ერთიანობა-ნაციონალური მოძრაობის" ერთ-ერთი ლიდერი გიორგი ვაშაძე ოკუპირებულ ტერიტორიებთან დაკავშირებით თბილისის მერის, კახა კალაძის განცხადებას.

ვაშაძის თქმით, 26 ოქტომბრის არჩევნები ქვეყნის "გადარჩენისა და დამოუკიდებლობის შენარჩუნების ბოლო შანსია".

"ბიძინა და მისი კლანი ყიდიან ქვეყნის ღირსებას საკუთარი ძალაუფლების შენასანარჩუნებლად. ჩვენ არასდროს მოვიხდით ბოდიშს თავისუფლებისა და სამშობლოს სიყვარულისთვის. ხელისუფლება, რომელიც დღითიდღე სულ უფრო იშლება, გვპირდება მხოლოდ სიღარიბეს და იზოლაციას. 

სწორედ ამიტომ, 26 ოქტომბრის არჩევნები არის ბოლო შანსი, საქართველო იყოს დამოუკიდებელი,  ევროკავშირის წევრი ქვეყანა, სადაც ევროპული სიკეთეები აისახება თითოეულ ქართულ ოჯახზე. 
როცა ერთად ვართ, ვიმარჯვებთ!" - ამბობს ვაშაძე.

შეგახსენებთ, რუსეთის საგარეო საქმეთა მინისტრმა, სერგეი ლავროვმა განაცხადა, რომ "მოსკოვი მზადაა, საქართველოს, აფხაზეთსა და სამხრეთ ოსეთთან ურთიერთობების ნორმალიზების პროცესში დაეხმაროს".

აღნიშნულ განცხადებას თბილისის მერი კახა კალაძე გამოეხმაურა და თქვა, რომ საქართველოს ხელისუფლება განცხადებას პოზიტიურად აფასებს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს