რუსული ავიაკომპანია Red Wings-ი ბათუმის მიმართულებით 3 ახალ რეისს იწყებს. ამის შესახებ ინფორმაციას „ეხო კავკაზა" ავრცელებს.

მედიის ცნობით, სოჭი-ბათუმი-სოჭის ბილეთების გაყიდვა უკვე დაიწყო, ხოლო ფრენები 2024 წლის 22 ივნისიდან 26 ოქტომბრის ჩათვლით, კვირაში ორჯერ - ოთხშაბათსა და შაბათს შესრულდება.

„ავიარეისები ყაზანი-ბათუმი-ყაზანი, 7 ივლისიდან 13 ოქტომბრის ჩათვლით, კვირაობით შესრულდება“, - წერს მედია.

გარდა ამისა, როგორც მედია აღნიშნავს, Red Wings-ი ავიარეისებს იწყებს უფა-ბათუმი-უფას მიმართულებაზეც, რეისები 2024 წლის 4 ივლისიდან 29 აგვისტოს ჩათვლით, ხუთშაბათობით შესრულდება.

„რუსეთსა და საქართველოს შორის საჰაერო მიმოსვლის აღდგენის შემდეგ, აშკარა გახდა, რომ საქართველოს კურორტები კვლავ პოპულარულია რუს ტურისტებში. ოპერატორი კომპანია TAV-Georgia-ს სტატისტიკის მიხედვით, 2024 წლის იანვარ-აპრილში ბათუმის აეროპორტში მგზავრთა მოძრაობა გასული წლის ანალოგიურ პერიოდთან შედარებით, 34%-ით გაიზარდა. ჩვენ დარწმუნებულები ვართ, რომ ჩვენს ახალ რეისებზე, რუსეთის 3 ქალაქიდან ბათუმის მიმართულებით, მაღალი სეზონური მოთხოვნა იქნება“, - განაცხადა Red Wings-ის გენერალური დირექტორის მოადგილემ კომერციის საკითხებში, ალექსანდრე კრუტოვმა.

როგორც მედია აღნიშნავს, ახალი მარშრუტების ამოქმედებით, Red Wings-ის პირდაპირი ფრენები ბათუმის მიმართულებით, უკვე რუსეთის 7 ქალაქიდანაა ხელმისაწვდომი.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს