სალომე ზურაბიშვილი გამოგვეცხადა როგორც პავლიკა მოროზოვი, რომელმაც გაყიდა ნიკო ნიკოლაძე,- ამის შესახებ "ქართული ოცნების" თავმჯდომარემ, ირაკლი კობახიძემ განაცხადა.

კობახიძე მედიასთან საუბრისას გუშინ, 18 ოქტომბერს პრეზიდენტ სალომე ზურაბიშვილის პარლამენტში სიტყვით გამოსვლას გამოეხმაურა და აღნიშნა, რომ მისი განცხადება "ზრდილობის ზღვარს მიღმა" გადიოდა.

"რა თქმა უნდა, მისი გამოსვლის ტექსტი იყო არამარტო შეურაცხმყოფელი ინსტიტუტების მიმართ, არამედ შეიცავდა ისეთ პასაჟებს, რომლებიც გადიოდა ზრდილობის ზღვარს მიღმა და განსაკუთრებით მძიმე იყო ის პასაჟი, რომელიც უკავშირდებოდა შვილების თემას და ყველაზე საინტერესო რა იყო, ის ამას კითხულობდა. შეიძლება, რაღაც წამოგცდეს, როგორც ანა ნაცვლიშვილს წამოსცდა ორიოდე დღის წინ, მაგრამ ეს იყო დაწერილი ტექსტი. პავლიკა მოროზოვის ტექსტი მას ჰქონდა დაწერილი ქაღალდზე და კითხულობდა. გუშინ, სინამდვილეში, ამ თავისი ტექსტით სალომე ზურაბიშვილი გამოგვეცხადა როგორც პავლიკა მოროზოვი, რომელმაც გაყიდა ნიკო ნიკოლაძე",- თქვა კობახიძემ.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”