ევროპარლამენტარი რასა იუკნევიჩიენე "ქართული ოცნების" მიერ პრეზიდენტის იმპიჩმენტის პროცედურას გამოეხმაურა .

იუკნევიჩიენეს თქმით, "სალომე ზურაბიშვილს სურდა, EU-ს კანდიდატის სტატუსისთვის ემუშავა... ეჭვი არ მეპარება, რომ ეს ბიძინა ივანიშვილის გადაწყვეტილებაცაა".

"ვფიქრობ, ეს ყველაფერი ძალიან სამწუხაროა. ჩემი აზრით, ყველაფერი პირიქით უნდა მოხდეს და მთავრობის იმპიჩმენტი უნდა ხდებოდეს, რადგან ისინი საშუალებას არ აძლევდნენ პრეზიდენტს, საკუთარი უფლებები განეხორციელებინა. სალომე ზურაბიშვილს სურდა, რომ ევროპის დედაქალაქებში ჩამოსულიყო, ასევე ევროპარლამენტში და საქართველოსთვის ევროკავშირის წევრობის კანდიდატის სტატუსის მინიჭებისთვის ემუშავა, მაგრამ მთავრობამ მისი ეს ვიზიტები დაბლოკა. მე ასეთი რამ არასდროს გამიგია, რომ რომელიმე ევროპულ ქვეყანაში აეკრძალათ პრეზიდენტისთვის, ემოქმედა როგორც პრეზიდენტს. ეს ძალიან ცუდი მესიჯია ევროპის დედაქალაქებისთვის და ყველა გაკვირვებული იქნება.

რა თქმა უნდა, დარწმუნებული ვარ, რომ მსგავსი რამ შეუძლებელია მმართველი პარტიის არაფორმალური ლიდერის თანხმობის გარეშე მოხდეს. ასე რომ, ეჭვი არ მეპარებს, რომ ეს არის მმართველი პარტიის, მათ შორის ბიძინა ივანიშვილის გადაწყვეტილება.

საქართველოს, როგორც დემოკრატიული ქვეყნის რეპუტაცია უკვე დაზიანებულია და შთაბეჭდილება იქმნება, რომ მმართველ პარტიას არ სურს კანდიდატის სტატუსის მიღება. სხვა დასკვნა შეუძლებელია გაკეთდეს მას შემდეგ, რაც მათ პრეზიდენტს გაუკეთეს", - განაცხადა რასა იუკნევიჩიენემ "მთავარ არხთან" საუბრისას.

ცნობისთვის, საქართველოს საკონსტიტუციო სასამართლომ დაადგინა, რომ პრეზიდენტმა სალომე ზურაბიშვილმა კონსტიტუცია დაარღვია.

პრეზიდენტის იმპიჩმენტის საკითხის განხილვა პარლამენტში ოთხშაბათს, 18 ოქტომბერს, 12:00 საათზე დაიწყება.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”