უკრაინის პრეზიდენტი ვოლოდიმირ ზელენსკი ესპანეთში, ევროპული პოლიტიკური გაერთიანების (EPC) სამიტზე დასასწრებად ჩავიდა. აღნიშნულის შესახებ ინფორმაციას უკრაინის პრეზიდენტი Telegram-ზე ავრცელებს.

ზელენსკის თქმით, გრანადაში ყოფნისას ორმხრივ შეხვედრებში მიიღებს მონაწილეობას.

"გრანადა, ესპანეთი. ევროპული პოლიტიკური გაერთიანების სამიტი. უკრაინა, სხვა ერებთან ერთად, მონაწილეობს ჩვენს საერთო ევროპულ ოჯახში უსაფრთხოებისა და სტაბილურობის განმტკიცების მიზნით.

იქნება ერთობლივ ფორმატში მუშაობა და მნიშვნელოვანი ორმხრივი შეხვედრები. ჩვენთვის მთავარი, განსაკუთრებით ზამთრის წინ, საჰაერო თავდაცვის გაძლიერებაა და უკვე არსებობს პარტნიორებთან ახალი შეთანხმებების საფუძველი. ჩვენ ვემზადებით მათ დასადასტურებლად და განსახორციელებლად. ევროპაში უსაფრთხოების არქიტექტურის გაძლიერებაზე ვმუშაობთ. უკრაინას ძლიერი წინადადებები აქვს.

განსაკუთრებული ყურადღება დაეთმობა შავი ზღვის რეგიონს და ერთობლივ მუშაობას გლობალური სასურსათო უსაფრთხოებისა და ნაოსნობის თავისუფლების დაცვის მიმართულებით. ეს დღე ნაყოფიერი უნდა იყოს უკრაინისთვის და მთელი ევროპისთვის",- წერს ზელენსკი.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს