სიონის ტბაში 15 წლის მოზარდს ეძებენ. აღნიშნული ინფორმაცია "ექსპრესნიუსს" შინაგან საქმეთა სამინისტროს საგანგებო სიტუაციების მართვის სამსახურში დაუდასტურეს.

როგორც უწყებაში ამბობენ, მოზარდის წყალში გაუჩინარების შესახებ შეტყობინებაა შესული.

"ადგილზე მობილიზებული არიან მაშველები და გარდა ამისა, სიონისკენ მიემართებიან განსაკუთრებულ სიტუაციებზე რეაგირების მთავარი ბაზიდან მყვინთავები",- განუცხადეს "ექსპრესნიუსს" საგანგებო სიტუაციების მართვის სამსახურში.

სიონის ტბაში 15 წლის ბიჭის გაუჩინარების შესახებ ინფორმაცია თავდაპირველად "ლელო საქართველოსთვის" წარმომადგენელმა, ნიკა ჩერქეზიშვილმა სოციალურ ქსელში გაავრცელა.

"15 წლის ბიჭი დაიხრჩო სიონის ტბაზე. შემთხვევიდან, დაახლოებით, 20-25 წუთში მოვიდა პოლიცია და სასწრაფო დახმარება. უფრო მეტს თბილისიდან ელოდებიან ახლა. თიანეთში მეტი არაფერი შეუძლია სამაშველოს. ადგილზე, სადაც უამრავი ადამიანია, მაშველები არ ჰყავთ!"- დაწერა ჩერქეზიშვილმა "ფეისბუქის" გვერდზე.

ავტორი: ექსპრესნიუსი,

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს